తాజాగా క్రిష్ ‘కొండపొలం’ నవలను సినిమాగా తీశారు. సినిమా కమర్షియల్‌గా వర్కవుట్ కాకపోయినా.. ఆయన ప్రయత్నాన్ని అందరూ మెచ్చుకున్నారు. నల్లమల అడవుల్లో నివసించే గొర్రెల కాపరుల జీవన విధానాన్ని క్రిష్ తనదైన శైలిలో ఆవిష్కరించారు. వైష్ణవ్ తేజ, రకుల్ ప్రీత్ సింగ్ జంటగా నటించిన ఈ చిత్రం OTTలో బాగా అలరించింది. ఇక ఇప్పుడు క్రిష్ దృష్టి గురజాడ అప్పారావు ప్రఖ్యాత నాటకం ‘కన్యాశుల్కం’పై పడింది. తెలుగు సాహిత్య చరిత్రలో ఈ నాటకానికి ప్రత్యేక స్థానం ఉంది.
తాజాగా క్రిష్ ‘కొండపొలం’ నవలను సినిమాగా తీశారు. సినిమా కమర్షియల్‌గా వర్కవుట్ కాకపోయినా.. ఆయన ప్రయత్నాన్ని అందరూ మెచ్చుకున్నారు. నల్లమల అడవుల్లో నివసించే గొర్రెల కాపరుల జీవన విధానాన్ని క్రిష్ తనదైన శైలిలో ఆవిష్కరించారు. వైష్ణవ్ తేజ, రకుల్ ప్రీత్ సింగ్ జంటగా నటించిన ఈ చిత్రం OTTలో బాగా అలరించింది. ఇక ఇప్పుడు క్రిష్ దృష్టి గురజాడ అప్పారావు ప్రఖ్యాత నాటకం ‘కన్యాశుల్కం’పై పడింది. తెలుగు సాహిత్య చరిత్రలో ఈ నాటకానికి ప్రత్యేక స్థానం ఉంది. ఎన్నో వేదికలపై నాటకంగా ఆ తర్వాత సినిమాగా అలరించిన ‘కన్యాశుల్కం’ని తెలుగులో వెబ్ సిరీస్‌గా తీసుకురావాలని క్రిష్ ప్రయత్నిస్తున్నాడని అంటున్నారు.
సోనీ లైవ్ OTT కోసం క్రిష్ ఈ సిరీస్‌ని నిర్మించబోతున్నాడు. కానీ క్రిష్ కేవలం రచన, దర్శకత్వంకే పరిమితం అవుతాడు. ఇప్పటికే స్క్రిప్ట్ వర్క్ కూడా పూర్తయిందని అంటున్నారు. ప్రస్తుతం నటీనటుల ఎంపికలో క్రిష్ బిజీగా ఉన్నాడు. కన్యాశుల్కంలో గిరీష్, మధురవాణి, అగ్నిహోత్రావధానులు, రామప్ప పంతులు, బుచ్చెమ్మ, లుబ్దావధానులు, కరకట శాస్త్రి మొదలైన వారు చాలా ప్రసిద్ధులు. గతంలో వచ్చిన ‘కన్యాశుల్కం’ సినిమాలో గిరీష్‌గా ఎన్టీఆర్‌, మధురవాణిగా సావిత్రి నటించారు. మరి ఈ క్రిష్ వెబ్ సిరీస్‌లో ఎవరు ఏయే పాత్రలు పోషిస్తారో తెలియాలంటే కొన్ని రోజులు ఆగాల్సిందే.
నవీకరించబడిన తేదీ – 2021-12-26T18:37:14+05:30 IST
