దేవిశ్రీ ప్రసాద్ బాలీవుడ్‌లోకి ఎంట్రీ ఇవ్వనున్నారా?

టాలీవుడ్ టాప్ మోస్ట్ మ్యూజిక్ డైరెక్టర్స్ లిస్ట్ లో ముందుగా వచ్చే పేరు దేవిశ్రీ ప్రసాద్. 23 ఏళ్ల క్రితం ‘దేవి’ సినిమాతో దేవి సంగీత దర్శకుడిగా టాలీవుడ్‌లోకి అడుగుపెట్టాడు. ఆ తర్వాత దేవి ఎన్నో సూపర్ హిట్ ఆల్బమ్స్ ఇచ్చాడు. మినిమమ్ బడ్జెట్ సినిమాల నుంచి స్టార్ హీరోల సినిమాల వరకు ఆయన సంగీతం ప్రేక్షకులను ఆకట్టుకుంది. లేటెస్ట్ మూవీ ‘పుష్ప’తో దేవిశ్రీ పేరు నేషనల్ వైడ్ గా మారుమోగుతోంది. ఈ చిత్రం యొక్క హిందీ వెర్షన్ పాటలు యూట్యూబ్ గ్లోబల్ మ్యూజిక్ వీడియో చార్ట్‌లో టాప్ 100గా జనాదరణ పొందాయి. ఈ సందర్భంగా టీసీ-సిరీస్ అధినేత భూషణ్ కుమార్ దేవిశ్రీ ప్రసాద్‌ను ప్రశంసిస్తూ ట్వీట్ చేశారు. గతంలో హిందీ డబ్బింగ్ సినిమాలతో బాలీవుడ్ ప్రేక్షకులకు సుపరిచితుడైన దేవిశ్రీ.. ఇంకా స్ట్రెయిట్ హిందీ సినిమాలకు సంగీతం అందించలేదు. అయితే ఇప్పుడు ఆ సమయం రానే వచ్చింది.

ఇటీవల దేవి, భూషణ్ కుమార్‌లను కలవడం విశేషం. టిసిరీస్ సంస్థ నిర్మించనున్న భారీ చిత్రానికి సంగీత దర్శకుడిగా దేవి ప్రసాద్ ఫిక్స్ అయ్యారని టాక్. గతంలో తమన్‌కి బాలీవుడ్ ఆఫర్ కూడా వచ్చింది. అయితే తమన్ ఆ ఆఫర్‌ను తిరస్కరించాడు. అయితే తనకు వచ్చిన అవకాశాన్ని సద్వినియోగం చేసుకోవాలనే పట్టుదలతో దేవి ఉంది. మరి దేవి సంగీతం అందించనున్న సినిమాలో హీరోగా ఎవరు నటిస్తారో చూడాలి.

నవీకరించబడిన తేదీ – 2022-01-19T16:45:06+05:30 IST