సతీలీలావతి రీమేక్ రైట్స్ తీసుకున్న స్టార్ డైరెక్టర్?

కమల్ హాసన్ నటించిన ‘సతీలీలావతి’ సినిమా అప్పట్లో సంచలనం. హీరా, కల్పన, రమేష్ అరవింద్, కోవై సరళ తదితరులు నటించిన ఈ చిత్రం క్లాసిక్‌గా పరిగణించబడుతుంది. కామెడీతో పాటు మంచి సందేశం ఉన్న ఈ చిత్రానికి బాలు మహేంద్ర దర్శకుడు. 1995లో వచ్చిన ఈ సినిమాకు తమిళ, తెలుగు ప్రేక్షకులు బ్రహ్మరథం పట్టారు.ఈ తరం ప్రేక్షకుల కోసం స్టార్ డైరెక్టర్ అనిల్ రావిపూడి ఈ చిత్రాన్ని రీమేక్ చేయబోతున్నారు. ‘ఎఫ్ 3’ సినిమాను పూర్తి చేసిన అనిల్ ఓ సీనియర్ హీరోతో పాటు ఈ రీమేక్ కోసం కూడా స్క్రిప్ట్ లను సిద్ధం చేస్తున్నాడని సమాచారం.

ఈ రెండు సినిమాలను వీలైనంత త్వరగా విడుదల చేసేందుకు అనిల్ రెడీ అవుతున్నాడు. వెంకీ, వరుణ్ జంటగా నటించిన ‘ఎఫ్3’ ఏప్రిల్ 28న విడుదల కానుంది.‘ఎఫ్ 2’ చిత్రానికి సీక్వెల్ గా రూపొందిన ఈ చిత్రం తొలి భాగం కంటే ప్రేక్షకులను బాగా నవ్వించేలా ఉంటుందని అంటున్నారు. ఈ సినిమా తర్వాత ‘సతీలీలావతి’ రీమేక్‌తో అనిల్ అదే స్థాయిలో నవ్వులు పూయించబోతున్నాడు. అందుకు అనిల్ కమల్ హాసన్ పాత్ర కోసం మరో స్టార్ హీరోని ఎంపిక చేయనున్నారు. మరి ఆ పాత్రలో నటించే హీరో ఎవరో చూడాలి.

నవీకరించబడిన తేదీ – 2022-01-31T17:10:10+05:30 IST