RC15: చరణ్ మేకోవర్?

మెగాపవర్ స్టార్ రామ్ చరణ్ తాజా చిత్రాలు ‘ఆర్ఆర్ఆర్, ఆచార్య’ విడుదలకు సిద్ధంగా ఉన్న సంగతి తెలిసిందే. ఈ రెండు సినిమాలు వచ్చే నెల, ఆ తర్వాత నెలలో విడుదల కానున్నాయి. ఆలోపే చెర్రీ తన 15వ చిత్రాన్ని శంకర్ దర్శకత్వంలో ప్రారంభించాడు. దిల్ రాజ్ ప్రొడక్షన్స్ కు ఇది 50వ సినిమా. ఇప్పటికే ఒక షెడ్యూల్ పూర్తి చేసుకున్న ఈ సినిమా.. తాజా షెడ్యూల్ ఇటీవల రాజమండ్రిలో ప్రారంభమైంది. ఈ సినిమాలో చరణ్ మేకోవర్ అభిమానులకు నచ్చుతుందని అంటున్నారు. హీరోలను డిఫరెంట్ గా ప్రెజెంట్ చేయడంలో దర్శకుడు శంకర్ నిపుణుడన్న సంగతి తెలిసిందే. ‘అపరిచితుడు, ఐ’లో విక్రమ్, ‘రోబో’ సిరీస్‌లో రజనీకాంత్ మేకోవర్లు క్రేజ్ తెచ్చుకున్నాయి. ఆర్సీ 15లో చరణ్ లుక్స్ అంతకు మించిన రేంజ్ లో ఉండబోతున్నాయి. ఇందులో చరణ్ మూడు గెటప్‌లలో కనిపించనున్నాడు. ఒకరు సాధారణ రూపం కాగా మరొకరు ఐఏఎస్ అధికారి.

‘ఒకే ఒకేడు’ సినిమాలో యాక్షన్ కింగ్ అర్జున్ ముఖ్యమంత్రిగా స్టైలిష్ లుక్‌లో కనిపించిన సంగతి తెలిసిందే. ఆర్సీ 15లో చెర్రీ ముఖ్యమంత్రి లుక్ కూడా అలాగే ఉండబోతోంది. ఈ లుక్స్ పై శంకర్ ప్రత్యేక దృష్టి సారిస్తున్నారు. రెండు రోజుల క్రితం సోషల్ మీడియాలో వైరల్ గా మారిన చరణ్ పిక్స్.. ఈ సినిమా కోసమే అన్న వార్తలు వస్తున్నాయి. ప్రస్తుత రాజకీయ వ్యవస్థను ప్రక్షాళన చేసేందుకు ఐఏఎస్ అధికారి కృషి చేస్తారు. అతనికి ఎదురయ్యే సవాళ్లు, ప్రతికూలతల ఆధారంగా ఈ సినిమా కథ ఉంటుందని సమాచారం. ఈ చిత్రానికి ‘విశ్వంభర’ అనే వెరైటీ టైటిల్‌ని పరిశీలిస్తున్నారు. సినారెకు జ్ఞానపీఠ్ అవార్డు తెచ్చిన ‘విశ్వంభర’ బిరుదు చాలా మందికి సుపరిచితమే. ఈ సినిమాకి ఈ టైటిల్ సూటవుతుందని శంకర్ టీమ్ భావిస్తున్నారట.

ఆర్‌సి 15లో కియారా అద్వానీ కథానాయికగా నటిస్తుండగా, జయరామ్, సునీల్, శ్రీకాంత్, నవీన్ చంద్ర ఇతర ముఖ్య పాత్రలు పోషిస్తున్నారు. 2023 సంక్రాంతి కానుకగా రిలీజ్ కానున్న ఈ సినిమా షూటింగ్ కంప్లీట్ కాగానే చెర్రీ గౌతమ్ తిన్ననూరి కి షిఫ్ట్ కానున్నాడు. పాన్ ఇండియా చిత్రంగా ఈ సినిమా తెలుగు, తమిళం, మలయాళం, కన్నడ, హిందీ భాషల్లో కూడా విడుదల కానుంది. మరి ఈ సినిమాలో చెర్రీ మేకోవర్ అభిమానులను ఏ మేరకు మెప్పిస్తుందో చూడాలి.

నవీకరించబడిన తేదీ – 2022-02-21T14:18:58+05:30 IST