‘రంగస్థలం’ లాంటి కథతో నితిన్ తాజా చిత్రం?

గతేడాది నితిన్ నటించిన ‘చెక్, రంగ్ దే, మాస్ట్రో’ సినిమాలు ఒకదాని తర్వాత ఒకటి ఫ్లాప్ అయ్యాయి. అంతకు ముందు ‘భీష్మ’ సినిమాతో బ్లాక్ బస్టర్ అందుకున్న ఆయన మళ్లీ కథలను జడ్జ్ చేయడంలో తడబడ్డాడు. ‘అ ఆ’ సినిమాలకు ముందు నితిన్ కెరీర్ ఇలాగే సాగింది. అందుకే నితిన్ తన తదుపరి చిత్రాలకు బలమైన కథాంశాలను ఎంచుకుంటున్నాడు. ఈ క్రమంలో నితిన్ నటిస్తున్న తాజా చిత్రం ‘మాచర్ల నియోజకవర్గం’. ఎడిటర్ శేఖర్ ఈ సినిమాతో దర్శకుడిగా పరిచయం అవుతున్నాడు. ఇప్పటికే షూటింగ్ పూర్తి చేసుకున్న ఈ సినిమాపై ఇండస్ట్రీ వర్గాల్లో పాజిటివ్ బజ్ వినిపిస్తోంది. అందుకు తగ్గట్టుగానే కథనాలు చాలా ఆసక్తికరంగా సాగుతాయి. టైటిల్‌ను బట్టి ఇదొక పొలిటికల్ థ్రిల్లర్ అని అర్థమవుతోంది. స్ట్రాంగ్‌ పొలిటికల్‌ పాయింట్స్‌ సినిమాకు హైలైట్‌గా నిలుస్తాయని తెలుస్తోంది. ఒక రకంగా చెప్పాలంటే రామ్ చరణ్, సుకుమార్ ల క్లాసిక్ పీరియాడికల్ మూవీ ‘రంగస్థలం’లా అనిపిస్తోంది. ఆ లక్షణాలు కథలో కనిపిస్తాయి.

‘రంగస్థలం’ పీరియాడికల్ డ్రామా అయినప్పటికీ పొలిటికల్ థ్రిల్లర్. ఓ గ్రామంలో ఎప్పుడూ ఏకగ్రీవంగా ఎన్నికయ్యే అధ్యక్షుడు.. అతడిని ఎలాగైనా ఓడించాలని బరిలోకి దిగిన యువకుడు. అసలు కథ ఇక్కడి నుంచే మొదలవుతుంది. ఆ తర్వాత ‘రంగస్థలం’ రివేంజ్ డ్రామాగా టర్న్ తీసుకుంటుంది. సరిగ్గా ఇదే కథాంశంతో ‘మాచర్ల నియోజకవర్గం’ సినిమా కూడా రూపొందుతోంది. మాచర్ల నియోజకవర్గంలోని ఓ గ్రామంలో ఎప్పుడూ ఎన్నికల్లో ఏకగ్రీవంగా ఎన్నికయ్యే విలన్‌ను ఎదిరించేందుకు హీరో రంగంలోకి దిగుతాడు. గతంలో మోహన్ బాబు నటించిన ‘అసెంబ్లీ రౌడీ’ కూడా ఇదే కథాంశంతో వచ్చిన సంగతి తెలిసిందే. ఇందులో బలమైన కథలు, భావోద్వేగాలు ఉండడంతో సినిమా సూపర్ హిట్ అయింది. ఇక ఈ తరహా కథలతో మరికొన్ని సినిమాలు తీసి సూపర్ హిట్ అయ్యాయి.

ఇందులో నితిన్ మేకోవర్, భాష, బాడీ లాంగ్వేజ్ పూర్తి భిన్నంగా ఉండబోతున్నాయి. గతంలో ఎప్పుడూ ప్రేమకథలు, యాక్షన్ చిత్రాల్లో నటిస్తున్న నితిన్ తొలిసారిగా ‘మాచర్ల నియోజక కగ్గీ’ వంటి పొలిటికల్ థ్రిల్లర్‌లో నటిస్తున్నాడు. ఇందులో నితిన్ టైపు ఎంటర్ టైన్ మెంట్ కు ఢోకా లేదు. కృతి శెట్టి కథానాయికగా నటిస్తున్న ఈ చిత్రానికి మణిశర్మ తనయుడు మహతి స్వర సాగర్ సంగీతం అందిస్తున్నాడు. మరి ఈ సినిమాతో నితిన్ మళ్లీ ఫామ్ లోకి వస్తాడని ఆశిద్దాం.

నవీకరించబడిన తేదీ – 2022-02-24T19:23:01+05:30 IST