మామా అల్లుళ్ల వినోదం.. నిజమేనా?

మామ పవర్ స్టార్ పవన్ కళ్యాణ్, మేనల్లుడు సుప్రీం హీరో సాయిధరమ్ తేజ్ కలసి నటిస్తే ఫ్యాన్స్ ఖుషీ అవుతారు. మెగా అభిమానులు గతంలో ఇలాంటి సూపర్ మెగా కాంబోలు ఎన్నో కలలు కన్నారు. కానీ అవేవీ వర్కవుట్ కాలేదు. అయితే ఈసారి వీరి కాంబినేషన్ పర్ఫెక్ట్ అని అంటున్నారు. అది కూడా తమిళ రీమేక్‌తో. అసలు మ్యాటర్‌లోకి వస్తే.. గతేడాది కోలీవుడ్‌లో విడుదలైన ‘వినోదయ చిట్టం’ సినిమా సూపర్ హిట్‌గా నిలిచింది. సముద్రఖని ప్రధాన పాత్రలో నటించడమే కాకుండా ఈ చిత్రానికి దర్శకత్వం కూడా వహించారు. తంబి రామయ్య మరో ముఖ్య పాత్రలో నటించారు. సినిమా సూపర్ హిట్ అయింది.

మంచి కంపెనీలో ఉద్యోగం చేస్తూ భార్యాపిల్లలతో సంతోషంగా ఉన్న తంబిరామయ్య హఠాత్తుగా ప్రమాదంలో మరణిస్తాడు. త్వరలో అతను చీకటి ప్రదేశంలో ఉంటాడు. అక్కడికి ఓ వ్యక్తి వచ్చి టైమ్ అని పరిచయం చేసుకుంటాడు. భూమిపై నీ కాలం ముగిసిపోయిందని చెప్పాడు. దాంతో బాధపడి.. తనకే అవకాశం ఇస్తాడు. దాంతో తంబిరామయ్యకు సమయం దొరికింది.. 3 నెలలు గడిచిపోయింది.. భూమ్మీద చేయాల్సిన పనిని పూర్తి చేయాలనుకున్నాడు. అప్పుడు ఏం చేశాడు? ఆ సమయాన్ని ఎలా ఉపయోగించుకున్నాడు? కథాంశంతో సినిమాను అలరించాడు. టైం పాత్రలో సముద్రఖని, ఉద్యోగిగా తంబిరామయ్య నటించారు. పవన్ కళ్యాణ్ కోసం త్రివిక్రమ్ తనదైన శైలిలో ఈ సినిమాలో మార్పులు చేస్తున్నాడని సమాచారం. పవన్ టైమ్ గా నటించబోతుండగా, తెలుగు వెర్షన్ కోసం తంబిరామయ్య పాత్రను యువకుడిగా మార్చేస్తున్నారు. సాయిధరమ్ తేజ్ పాత్రలో నటిస్తున్నట్లు సమాచారం. తెలుగు వెర్షన్‌కి కూడా సముద్రఖానే దర్శకుడు అని తెలుస్తోంది. త్వరలోనే ఈ సినిమా పూజా కార్యక్రమాలతో లాంఛనంగా ప్రారంభం కానుందని సమాచారం. మరి అసలు ఈ కాంబో మెటీరియలైజ్ అవుతుందో లేదో చూడాలి.

నవీకరించబడిన తేదీ – 2022-03-03T22:18:12+05:30 IST