ఆచార్య : రన్ టైమ్ అలా ఫిక్స్ అయిందా?

మెగాస్టార్ చిరంజీవి తాజా చిత్రం ‘ఆచార్య’ విడుదలకు సిద్ధంగా ఉన్న సంగతి తెలిసిందే. కొరటాల శివ దర్శకత్వం వహించిన ఈ చిత్రాన్ని కొణిదెల ప్రొడక్షన్స్ మరియు మ్యాట్నీ ఎంటర్‌టైన్‌మెంట్స్ సంయుక్తంగా నిర్మిస్తున్నాయి. మెగా పవర్ స్టార్ రామ్ చరణ్ కీలక పాత్రలో నటిస్తుండగా, కాజల్ అగర్వాల్, పూజా హెగ్డే కథానాయికలుగా నటిస్తున్నారు. ఇప్ప‌టి వ‌ర‌కు విడుద‌లైన టీజ‌ర్లు, సింగిల్స్, టీజ‌ర్లు భారీ అంచ‌నాల‌ను క్రియేట్ చేశాయి. ఆలయ భూ కుంభకోణం నేపథ్యంలో సాగే కథాంశంతో ఈ చిత్రం తెరకెక్కింది. ఈ సినిమా వచ్చేనెల 29న ప్రపంచ వ్యాప్తంగా విడుదల కానుంది. ఈ సినిమాపై ఇండస్ట్రీలో పాజిటివ్ బజ్ ఉంది. ఇదిలా ఉంటే ‘ఆచార్య’ సినిమా షాకింగ్ రన్ టైమ్ ఫిక్స్ అయిందనే టాక్ వినిపిస్తోంది.

తాజా సమాచారం ప్రకారం ‘ఆచార్య’ సినిమా రన్ టైమ్ దాదాపు 3 గంటలు ఉన్నట్లు కన్ఫర్మ్ అయ్యింది. ఈ మూడు గంటలు ఫ్యాన్స్ ని థ్రిల్ చేస్తుందని అంటున్నారు నిర్మాతలు. ఈ సినిమా కోసం భారీ టెంపుల్ సిటీ సెట్ ను నిర్మించిన సంగతి తెలిసిందే. సినిమాలో ఎక్కువ భాగం ఇక్కడే చిత్రీకరించారు. ‘సైరా నరసింహా రెడ్డి’ సినిమా తర్వాత చిరు సినిమాపై మరింత అంచనాలు నెలకొన్నాయి. అలాగే ఆయన డ్యాన్స్ చేసి దాదాపు ఐదేళ్లు కావస్తుండటంతో ఆయన నుంచి వెరైటీ స్టెప్పులు వేయాలని అభిమానులు ఎదురుచూస్తున్నారు. దాని ప్రకారం ఈ మధ్య విడుదలైన సింగిల్స్ తో చిరు ఇందులో ఓ రేంజ్ లో డ్యాన్స్ చేశాడు. మరి ‘ఆచార్య’ సినిమా మెగా అభిమానులను ఏ మేరకు అలరిస్తుందో చూడాలి.

నవీకరించబడిన తేదీ – 2022-03-13T16:28:23+05:30 IST