మెగా ఆఫర్ కొట్టేసిన నివేదా పేతురాజ్?

నివేదా పేతురాజ్ ‘మెంటల్ మదిలో, అలా వైకుంఠపురములో, రెడ్’ వంటి చిత్రాల్లో తనదైన శైలిలో నటించి మెప్పించింది. నివేదా ఎప్పుడూ గ్లామర్ పరంగానూ, నటన పరంగానూ తనదైన మార్క్‌ని చూపుతుంది. ఆ క్రెడిట్‌తో ఆమెకు మెగాస్టార్ చిరంజీవి సినిమాలో గోల్డెన్ అవకాశం వచ్చిందని అంటున్నారు. మెగాస్టార్ చిరంజీవి హీరోగా బాబీ దర్శకత్వంలో ఓ సినిమా రూపొందుతున్న సంగతి తెలిసిందే. ప్రస్తుతం ఈ సినిమా సెట్స్‌పై ఉంది. చిరు 154వ సినిమాగా గుర్తింపు తెచ్చుకున్న ఈ సినిమా షూటింగ్ వాల్తేరు షిప్ యార్డ్ బ్యాక్ యార్డ్ లో జరుగుతున్న సంగతి తెలిసిందే. ఇందులో శృతి హాసన్ కథానాయికగా నటిస్తోంది. అయితే మరో హీరోయిన్ క్యారెక్టర్ పేతురాజ్‌ని ఎంపిక చేసినట్లు సమాచారం. కాకపోతే ఆమె రొమాన్స్ చిరంజీవితో కాదు. రవితేజతో అని తెలుస్తోంది.

ఈ సినిమాలో రవితేజ ఓ కీలక పాత్రలో నటిస్తున్నాడు. త్వరలో ప్రకటన రానుంది. చిరు తమ్ముడిగా ప్రత్యేక పాత్రలో నటించేందుకు రవితేజ గ్రీన్ సిగ్నల్ ఇచ్చాడు. ఆమె సరసన నివేదా పేతురాజ్ కథానాయికగా నటిస్తున్నట్లు సమాచారం. సాలిడ్ మాస్ కథాంశంతో మెగాఫ్యాన్స్ కోరుకునే అన్ని ఎలిమెంట్స్ ఉన్న ఈ సినిమా వచ్చే ఏడాది విడుదల కానుంది. దీనికి ‘వాల్తేరు వీరయ్య’ అనే టైటిల్ ప్రచారంలో ఉంది. అయితే వేరే టైటిల్‌ని అనుకుంటున్నారని కూడా వార్తలు వచ్చాయి. మరి ఈ సినిమాతో నివేదా పేతురాజ్ ఏ మేరకు ఫేమ్ సంపాదిస్తుంది.

నవీకరించబడిన తేదీ – 2022-03-16T21:21:03+05:30 IST