టాలీవుడ్లో క్రేజీ కాంబో సెట్..! అంటే ప్రస్తుతం సోషల్ మీడియాలో వస్తున్న వార్తలను చూస్తుంటే అవుననే అనిపిస్తోంది. ఎనర్జిటిక్ హీరో రామ్ పోతినేని – స్టార్ డైరెక్టర్ హరీష్ శంకర్
టాలీవుడ్లో క్రేజీ కాంబో సెట్..! అంటే ప్రస్తుతం సోషల్ మీడియాలో వస్తున్న వార్తలను చూస్తుంటే అవుననే అనిపిస్తోంది. ఎనర్జిటిక్ హీరో రామ్ పోతినేని, స్టార్ డైరెక్టర్ హరీష్ శంకర్ కాంబినేషన్ లో ఓ సాలిడ్ మాస్ ఎంటర్ టైనర్ రూపొందనుందనేది తాజా సమాచారం. రామ్ ఎనర్జీ పూర్తి కమర్షియల్ ఎలిమెంట్స్ తో కూడిన స్క్రిప్ట్ ను సిద్ధం చేసినట్లు ఫిల్మ్ సర్కిల్స్ లో వినిపిస్తోంది. ‘ఇస్మార్ట్ శంకర్’ వంటి భారీ హిట్ తర్వాత మళ్లీ అలాంటి మాస్ హిట్ కొట్టాలంటే ‘రెడ్’ సినిమా చేయడం కాస్త కష్టమే.
అందుకే ఈసారి మళ్లీ హిట్ కొట్టాలనే పట్టుదలతో కోలీవుడ్ యాక్షన్ చిత్రాల దర్శకుడిగా పేరు తెచ్చుకున్న ఎన్. ఎన్ లింగుస్వామి దర్శకత్వంలో ‘ది వారియర్’ అనే యాక్షన్ మూవీ చేస్తున్నాడు. తెలుగుతో పాటు తమిళంలో కూడా ఈ సినిమా త్వరలో విడుదల కానుంది. ఈ సినిమాలో కృతిశెట్టి, అక్షర గౌడ, ఆదిపినిశెట్టి, నదియా ఇతర కీలక పాత్రల్లో కనిపించనున్నారు. అలాగే మాస్ చిత్రాల దర్శకుడు బోయపాటి శ్రీను దర్శకత్వంలో కూడా యాక్షన్ సినిమా చేస్తున్నాడు ఎనర్జిటిక్ స్టార్. ఈ క్రమంలో హరీష్ శంకర్ దర్శకత్వంలో ఓ సినిమా చేసేందుకు గ్రీన్ సిగ్నల్ ఇచ్చాడు.
ప్రస్తుతం పవర్ స్టార్ పవన్ కళ్యాణ్ హీరోగా హరీష్ శంకర్ భవదీయుడు భగత్ సింగ్ సినిమా చేయబోతున్నాడు. జూలై నుంచి ఈ సినిమాను సెట్స్ పైకి తీసుకురావడానికి ప్రయత్నాలు జరుగుతున్నాయి. మైత్రీ మూవీ మేకర్స్ అత్యంత భారీ బడ్జెట్ తో నిర్మిస్తున్న ఈ సినిమాలో పవన్ సరసన మోస్ట్ వాంటెడ్ బ్యూటీ పూజా హెగ్డే హీరోయిన్ గా నటిస్తుంది. దీని తర్వాత రామ్-హరీష్ శంకర్ ల సినిమా మొదలయ్యే అవకాశాలున్నాయి. త్వరలోనే ఈ ప్రాజెక్ట్కి సంబంధించి అఫీషియల్ కన్ఫర్మేషన్ రానుందని తెలుస్తోంది.
నవీకరించబడిన తేదీ – 2022-05-14T15:00:13+05:30 IST
