మాస్ మహారాజా రవితేజ హిట్లు, ఫ్లాప్‌లతో సంబంధం లేకుండా తన కెరీర్‌ను కష్టాల్లో పడేస్తున్నాడు. గతేడాది క్రాక్ సినిమాతో బిగ్గెస్ట్ హిట్ అందుకున్న రవితేజ.. ఈ ఏడాది ‘ఖిలాడీ’ సినిమాతో పరాజయాన్ని ఎదుర్కొన్నాడు. ప్రస్తుతం ‘రామారావు అండ్ డ్యూటీ’ విడుదలకు సిద్ధమవుతుండగా.. ‘ధమాకా, టైగర్ నాగేశ్వరరావు, రావణాసుర’ చిత్రాలు సెట్స్‌పై ఉన్నాయి.
మాస్ మహారాజా రవితేజ హిట్లు, ఫ్లాప్‌లతో సంబంధం లేకుండా తన కెరీర్‌ను కష్టాల్లో పడేస్తున్నాడు. గతేడాది క్రాక్ సినిమాతో బిగ్గెస్ట్ హిట్ అందుకున్న రవితేజ ఈ ఏడాది ‘ఖిలాడీ’ సినిమాతో పరాజయాన్ని చవిచూశాడు. ప్రస్తుతం ‘రామారావు అండ్ డ్యూటీ’ విడుదలకు సిద్ధమవుతుండగా.. ‘ధమాకా, టైగర్ నాగేశ్వరరావు, రావణాసుర’ చిత్రాలు సెట్స్‌పై ఉన్నాయి. ఇదిలావుంటే.. బాబీ దర్శకత్వంలో తెరకెక్కుతున్న ‘వాల్తేరు వీరయ్య’లో మెగాస్టార్ చిరంజీవి కీలక పాత్రలో నటిస్తున్నారు. ఇన్ని ప్రాజెక్టులతో బిజీగా ఉన్న రవితేజ ఓ ప్రముఖ తమిళ దర్శకుడితో కలిసి పని చేయబోతున్నట్లు వార్తలు వస్తున్నాయి. దర్శకుడి పేరు బాలాజీ మోహన్. తెలుగులో సిద్ధార్థ్ హీరోగా ‘లవ్ ఫెయిల్యూర్’ చిత్రాన్ని తెరకెక్కించిన బాలాజీ ఆ తర్వాత ధనుష్ హీరోగా ‘మారి, మారి 2’ చిత్రాలతో మంచి పేరు తెచ్చుకున్నాడు. ఈ రెండు సినిమాలు తెలుగులో విడుదలై మంచి విజయాన్ని సాధించాయి. బాలాజీ ఇటీవల ఓ వెబ్ సిరీస్‌కి దర్శకత్వం వహించారు. దీని తర్వాత రవితేజతో ఓ మాస్ యాక్షన్ సినిమా చేయబోతున్నారనే టాక్ వినిపిస్తోంది.
బాలాజీ మోహన్ చెప్పిన కథకు రవితేజ బాగా ఇంప్రెస్ అయ్యి సినిమాకు గ్రీన్ సిగ్నల్ ఇచ్చాడని అంటున్నారు. ‘టైగర్ నాగేశ్వరరావు’తో తన మొదటి పాన్ ఇండియా చిత్రాన్ని రూపొందిస్తున్న రవితేజ, బాలాజీ మోహన్ చిత్రంతో పాన్ ఇండియాలోకి అడుగుపెట్టబోతున్నట్లు సమాచారం. త్వరలోనే ఈ సినిమా ప్రకటన వెలువడనుంది. నిజానికి తమిళ దర్శకులతో రవితేజకు చేదు అనుభవాలు ఎదురయ్యాయి. సముద్రఖని దర్శకత్వంలో ‘శంభో శివ శంభో’, శివ దర్శకత్వంలో ‘దరువు’, అమ్మ రాజశేఖర్‌ దర్శకత్వంలో ‘ఖతర్నాక్‌’ చిత్రాలు చేసిన రవితేజ ఆ సినిమాలతో పరాజయాలను చవిచూశారు. మరి బాలాజీ మోహన్ తో అయినా రవితేజ సక్సెస్ అవుతాడో లేదో చూడాలి. రవితేజ కోసం బాలాజీ మోహన్ మాస్ యాక్షన్ కథ రాసుకున్నాడు. రవితేజ క్యారెక్టరైజేషన్ డిఫరెంట్ గా ఉంటుందని తెలుస్తోంది. మరి ఈ సినిమా ఎప్పుడు మొదలవుతుందో చూద్దాం.
నవీకరించబడిన తేదీ – 2022-05-15T20:36:42+05:30 IST
