కమల్ హాసన్: రాజమౌళి, ప్రశాంత్‌నీల్ డేట్స్ కోసం ఎదురు చూస్తున్నారా?

భారతీయ చలనచిత్ర పరిశ్రమలోని బహుముఖ నటుల్లో కమల్ హాసన్ ఒకరని ప్రత్యేకంగా చెప్పనవసరం లేదు. ఒకప్పుడు ప్రత్యేక పరిచయం లేకుండా తెలుగు, తమిళం, హిందీ పరిశ్రమలను శాసించాడు. కమల్ ప్రస్తుతం లోకేష్ కంగరాజ్ దర్శకత్వంలో ‘విక్రమ్’ సినిమాలో నటిస్తున్న సంగతి తెలిసిందే. ఈ చిత్రం జూన్ 3న ప్రపంచవ్యాప్తంగా థియేటర్లలో విడుదల కానుంది. కమల్ తదుపరి చిత్రంపై ఎలాంటి క్లారిటీ లేనప్పటికీ, దర్శకుడు రాజమౌళి మరియు కన్నడ దర్శకుడు ప్రశాంత్ నీల్ అతని డేట్స్ కోసం ఎదురుచూస్తున్నట్లు సమాచారం. అయితే వీరిద్దరూ సోలో హీరోగా కమల్ తో సినిమాలు తీయబోతున్నారని అనుకోకండి. తమ తదుపరి చిత్రంలో ఓ ప్రత్యేక పాత్ర కోసం కమల్‌ని సంప్రదించబోతున్నట్లు సమాచారం.

మహేష్ బాబు హీరోగా రాజమౌళి త్వరలో ఓ సినిమా చేయబోతున్న సంగతి తెలిసిందే. SSMB29 అనే ఆ సినిమాలో కమల్ హాసన్ మాత్రమే ప్రత్యేక పాత్ర చేయగలడని జక్కన్న భావిస్తున్నాడట. భారీ బడ్జెట్ తో రూపొందనున్న ఈ సినిమాలో ఆ పాత్ర కోసం రాజమౌళి త్వరలో కమల్ ను సంప్రదించబోతున్నాడట. అలాగే డేట్స్ కోసం కూడా ఆసక్తిగా ఎదురుచూస్తున్నాడు. ఆఫ్రికన్ జంగిల్ బ్యాక్‌డ్రాప్‌లో అడ్వెంచరస్ థ్రిల్లర్‌గా ఈ సినిమా రూపొందనుంది. హాలీవుడ్ సూపర్ హిట్ సిరీస్ ఇండియానా జోన్స్ తరహాలో ఆసక్తికరమైన కథాంశంతో ఈ సినిమా ఉండబోతోందని సమాచారం.

ఇటీవలే ‘కేజీఎఫ్ 2’తో సెన్సేషనల్ హిట్ అందుకున్న దర్శకుడు ప్రశాంత్ నీల్ ప్రస్తుతం ప్రభాస్ తో ‘సాలార్’ చిత్రాన్ని తెరకెక్కిస్తున్న సంగతి తెలిసిందే. దీని తర్వాత యంగ్ టైగర్ ఎన్టీఆర్ తో ప్రశాంత్ ఓ సినిమా చేయబోతున్న సంగతి తెలిసిందే. ఎన్టీఆర్ 31 పేరుతో తెరకెక్కుతున్న ఈ సినిమా ఫస్ట్ లుక్ పోస్టర్ ఇటీవలే విడుదలై మంచి రెస్పాన్స్ తెచ్చుకున్న సంగతి తెలిసిందే. ఇందులో కమల్ హాసన్ స్పెషల్ రోల్ చేస్తారని ప్రశాంత్ భావిస్తున్నాడట. ఆయన కూడా కమల్ డేట్స్ కోసం ఎదురుచూస్తున్నారు. ఈ రెండు భారీ బడ్జెట్ చిత్రాల్లో కమల్ హాసన్ నటించే విషయమై అధికారిక ప్రకటనలు వస్తున్నట్లు సమాచారం. ఈ వార్తలు నిజమో కాదో తెలియదు కానీ ఈ రెండు సినిమాల్లో కమల్ హాసన్ నటిస్తే ఆ సినిమాల హైప్ మరింత పెరుగుతుందని ప్రత్యేకంగా చెప్పాల్సిన పనిలేదు.

నవీకరించబడిన తేదీ – 2022-05-22T16:36:53+05:30 IST