దక్షిణాదిలోని టాలెంటెడ్ బ్యూటీల్లో సాయిపల్లవి ముందు వరుసలో ఉంటుంది. చక్కటి అభినయం, అభినయంతో సరితూగే అందం ఆమె ప్రత్యేకత. అవలీలగా ఎలాంటి పాత్రనైనా పోషించగల సత్తా ఉన్న ఆమె.. తెలుగు, తమిళం, మలయాళ భాషల్లో నటించింది. కానీ టాలీవుడ్ లో మీడియం రేంజ్ హీరోల సరసన హీరోయిన్ గా మెరిసింది. టాప్ స్టార్స్‌తో రొమాన్స్ లేదు.
దక్షిణాదిలోని టాలెంటెడ్ బ్యూటీల్లో సాయిపల్లవి ముందు వరుసలో ఉంటుంది. చక్కటి అభినయం, అభినయంతో సరితూగే అందం ఆమె ప్రత్యేకత. అవలీలగా ఎలాంటి పాత్రనైనా పోషించగల సత్తా ఉన్న ఆమె.. తెలుగు, తమిళం, మలయాళ భాషల్లో నటించింది. కానీ టాలీవుడ్ లో మీడియం రేంజ్ హీరోల సరసన హీరోయిన్ గా మెరిసింది. టాప్ స్టార్స్‌తో రొమాన్స్ లేదు. ఇప్పుడు ఆ సమయం వచ్చినట్లుంది. తాజా సమాచారం ప్రకారం ఎన్టీఆర్ 30వ చిత్రంలో సాయి పల్లవి కథానాయికగా కన్ఫర్మ్ అయింది. త్వరలో సెట్స్ పైకి వెళ్లనున్న కొరటాల శివ దర్శకత్వంలో యంగ్ టైగర్ ఎన్టీఆర్ 30వ చిత్రం ఇంకా హీరోయిన్‌ను ఎంపిక చేయలేదు. జాబితాలో చాలా మంది ఉన్నప్పటికీ ఎవరినీ ఖరారు చేయలేదు. అయితే ఈ సినిమా కథాంశం ప్రకారం సాయిపల్లవి హీరోయిన్‌గా చేస్తే బాగుంటుందని దర్శకుడు కొరటాల భావిస్తున్నాడట.
యన్టీఆర్‌తో రొమాన్స్‌కి సాయిపల్లవి కూడా గ్రీన్ సిగ్నల్ ఇచ్చిందని అంటున్నారు. త్వరలోనే దీనికి సంబంధించి అధికారిక ప్రకటన రానుంది. నిజానికి యన్టీఆర్ పుట్టినరోజు నాడు ఈ సినిమాలో హీరోయిన్ ఎవరనేది రివీల్ చేయాలనుకున్నారు. అయితే అప్పటికి కూడా సాయి పల్లవి ఎంపిక పూర్తి కాలేదు. ఈ సినిమా ఫస్ట్‌లుక్‌కి మంచి స్పందన వచ్చింది. సినిమాపై భారీ అంచనాలు ఉన్నాయి. ఇటీవలే తారక్ ‘RRR’ సినిమాతో బిగ్గెస్ట్ బ్లాక్ బస్టర్ అందుకున్న నేపథ్యంలో ఎన్టీఆర్ 30వ సినిమా కథలో భారీ మార్పులు చేస్తున్నాడు కొరటాల. తారక్‌కి ఉన్న పాన్ ఇండియా ఇమేజ్‌కి అనుగుణంగా, అతను పాన్ ఇండియా చిత్రంగా ఉండబోతున్న ఈ సినిమా మేకింగ్ మరియు టేకింగ్‌లో చాలా జాగ్రత్తలు తీసుకుంటాడు. దాని ప్రకారం ఈ సినిమాలో నటీనటుల పెర్ఫార్మెన్స్ ఓ రేంజ్ లో ఉండాల్సిందే. అందుకే కథానాయికగా సాయి పల్లవిని ఎంపిక చేశారు.
గతంలో సాయిపల్లవి నటించిన ‘శ్యామ్‌ సింహరాయ్‌’ సినిమా ఇండియాలో విడుదలై బ్లాక్‌బస్టర్‌ హిట్‌గా నిలిచిన సంగతి తెలిసిందే. అందులో ఆమె నటనకు మంచి మార్కులు పడ్డాయి. ఆమె తదుపరి చిత్రం ‘విరాట పర్వం’ విడుదలకు సిద్ధమవుతోంది. అలాగే ఆమె నటిస్తున్న తమిళ చిత్రం ‘గార్గి’ ప్రస్తుతం షూటింగ్ జరుపుకుంటోంది. ఈ సినిమా పూర్తయిన తర్వాత సాయి పల్లవి ఎన్టీఆర్ 30కి షిఫ్ట్ అవుతుంది. జూలైలో సెట్స్ పైకి వెళ్లనున్న ఈ సినిమాలో సాయి పల్లవి ఎలాంటి పాత్రలో నటిస్తుందో చూడాలి.
నవీకరించబడిన తేదీ – 2022-05-24T14:45:28+05:30 IST
