గౌతమ్ తిన్ననూరి దర్శకత్వంలో వచ్చిన ‘జెర్సీ’ సినిమాతో సూపర్ హిట్ అందుకున్నాడు నాని. మెగా పవర్స్టార్ రామ్చరణ్తో కలిసి ఓ సినిమా చేస్తున్న సంగతి తెలిసిందే. ఈ ప్రకటన వెలువడినప్పటి నుంచి ఈ ప్రాజెక్ట్పై భారీ అంచనాలు నెలకొన్నాయి.
గౌతమ్ తిన్ననూరి దర్శకత్వంలో వచ్చిన ‘జెర్సీ’ సినిమాతో సూపర్ హిట్ అందుకున్నాడు నాని. మెగా పవర్స్టార్ రామ్చరణ్తో కలిసి ఓ సినిమా చేస్తున్న సంగతి తెలిసిందే. ఈ ప్రకటన వెలువడినప్పటి నుంచి ఈ ప్రాజెక్ట్పై భారీ అంచనాలు నెలకొన్నాయి. ఈ సినిమా షూటింగ్ కు సంబంధించి గత కొన్ని రోజులుగా సోషల్ మీడియాలో కొన్ని వార్తలు వినిపిస్తున్నాయి. అయితే RC15 ప్రారంభం కాగానే.. గౌతమ్ ‘జెర్సీ’ హిందీ వెర్షన్తో బిజీ అయిపోయాడు. షాహిద్ కపూర్ నటించిన ‘జెర్సీ’ చిత్రం ఇటీవలే హిందీలో విడుదలైంది. అయితే ఆ సినిమా ఆశించిన స్థాయిలో ఆకట్టుకోలేకపోయింది. తెలుగు ప్రేక్షకులను ఎమోషనల్ గా కదిలించిన ఈ సినిమా హిందీ వెర్షన్ బాలీవుడ్ ప్రేక్షకులకు మాత్రం కనెక్ట్ కాలేదు. అంతేకాదు స్లో నేరేషన్, మితిమీరిన క్రికెట్ ఉందని విమర్శించారు. కలెక్షన్స్ పై బాగా ప్రభావం చూపి… ప్రేక్షకులను నిరాశ పరిచింది. దీంతో గౌతమ్ ప్రాంతీయ సినిమాలు చేయడం మంచిదన్న వ్యాఖ్యలు వచ్చాయి.
గౌతమ్, రామ్చరణ్ కాంబినేషన్లో వస్తున్న సినిమాపై హిందీ జెర్సీ రిజల్ట్ ఎఫెక్ట్ బాగా పడింది. ఇది కూడా స్పోర్ట్స్ నేపథ్యంలో జరగడంతో ఈ సినిమా ఉంటుందా లేదా అనే అనుమానాలు మొదలయ్యాయి. ప్రస్తుతం రామ్ చరణ్ పాన్ ఇండియా సినిమాలు చేస్తూ బిజీగా ఉన్నాడు. మార్కెట్ పెరిగిపోతున్న ఈ తరుణంలో గౌతమ్ తిన్ననూరి తెలుగు ప్రేక్షకులకు మాత్రమే కనెక్ట్ అయ్యే ఎమోషన్ తో సినిమా తీస్తే పాన్ ఇండియా లెవల్ లో ఎలా రిలీజ్ చేయాలనేది చరణ్ ను డైలమాలో పడేసింది. అందుకే గౌతమ్ సినిమా పడుతుందా అనే అనుమానాలు వ్యక్తమవుతున్నాయి. రామ్ చరణ్, గౌతమ్ తిన్ననూరి కాంబో మూవీ క్యాన్సిల్ అయిందని కొందరు ఇప్పటికే సోషల్ మీడియాలో వార్తలు క్రియేట్ చేస్తున్నారు. ఈ ఏడాది చివరికల్లా రామ్ చరణ్, శంకర్ ల సినిమా పూర్తవుతుందని కొందరు అంటున్నారు. త్వరలో గౌతమ్ తిన్ననూరి దర్శకత్వంలో రామ్ చరణ్ సినిమాకు డేట్స్ ఇచ్చాడని అంటున్నారు. ప్రాజెక్ట్ క్యాన్సిలేషన్, చరణ్ డేట్స్ ఇవ్వడం.. ఈ రెండు వార్తలు పూర్తిగా వ్యతిరేకం. మరి ఈ రెండింటిలో ఏది నిజమో తెలియాలంటే చరణ్ శంకర్ సినిమా పూర్తయ్యే వరకు ఆగాల్సిందే.
నవీకరించబడిన తేదీ – 2022-06-01T21:48:26+05:30 IST
