ఏజెంట్ టీజర్ హైలైట్స్ ఇవే!

అక్కినేని కొత్త హీరో అఖిల్. ఐదవ చిత్రం ‘ఏజెంట్’. సురేందర్ రెడ్డి దర్శకత్వంలో ఏకే ఎంటర్‌టైన్‌మెంట్స్, సురేంద్ర 2 సినిమాస్ సంయుక్తంగా ఈ చిత్రాన్ని నిర్మిస్తున్నాయి. ప్రస్తుతం షూటింగ్ శరవేగంగా జరుగుతోంది. సీక్రెట్ గూఢచారిగా అఖిల్ చేసే సాహసాలు అభిమానులను అలరించబోతున్నాయని నిర్మాతలు అంటున్నారు. ఏజెంట్ పాత్ర కోసం అఖిల్ జిమ్ లో గంటల తరబడి వర్కవుట్ చేసి సిక్స్ ప్యాక్ బాడీని కట్టుకున్నాడు. సినిమా అనౌన్స్‌మెంట్ రోజే విడుదలైన అఖిల్ ఫస్ట్ లుక్‌కి మంచి రెస్పాన్స్ వచ్చింది. ఆ తర్వాత రివీల్ చేసిన మరిన్ని అఖిల్ స్టిల్స్.. సినిమాపై అంచనాలను పెంచేశాయి. ఆగస్ట్ 12న ఈ చిత్రాన్ని విడుదల చేయబోతున్నట్లు మేకర్స్ అధికారికంగా ప్రకటించారు.కానీ అనుకున్న తేదీకి రాకపోవచ్చనే ఊహాగానాలు మొదలయ్యాయి. నిర్మాతలు కాదనడానికి ప్రయత్నించలేదు.

త్వరలో ‘ఏజెంట్’ టీజర్‌ను విడుదల చేయాలని మేకర్స్ భావిస్తున్నారు. అంతే కాకుండా రిలీజ్ డేట్ పై కూడా క్లారిటీ ఇవ్వబోతున్నారనే టాక్ వినిపిస్తోంది. ఏజెంట్ టీజర్ కట్ పూర్తి చేసి ఎడిటింగ్ కూడా పూర్తి చేసినట్లు తెలుస్తోంది. సరిగ్గా 1 నిమిషం 15 సెకన్ల నిడివితో టీజర్ ఉండబోతోందని టాక్. అఖిల్ మేకోవర్‌తో పాటు స్టైలిష్ యాక్షన్ సీక్వెన్స్‌లు టీజర్‌లో హైలైట్‌గా నిలిచాయి. అలాగే రెండు పవర్‌ఫుల్ డైలాగ్స్ ఉండేలా టీజర్‌ను కట్ చేశారని, మలయాళ మెగాస్టార్ మమ్ముట్టి ఈ టీజర్‌కు హైలైట్‌గా నిలుస్తారని అంటున్నారు. ఈ టీజర్‌కు హిప్హాప్ తమిజా సంగీతం మరియు రసూల్ ఫోటోగ్రఫీ కూడా ఆకర్షణీయంగా ఉన్నాయి.

హాలీవుడ్ సూపర్ హిట్ బోర్న్ సిరీస్ ఆధారంగా ‘ఏజెంట్’ సినిమా రూపొందనుందని ఇప్పటికే వార్తలు వచ్చాయి. శత్రుదేశపు గూఢచారులకు దేశ రక్షణ రహస్యాలు బహిర్గతం కాకుండా ఉండేందుకు. ఆ ప్రయత్నంలో అతను ఎదుర్కొన్న సవాళ్లే ఈ సినిమా ప్రధాన కథాంశం. ఈ సినిమాలో ఎక్కువ భాగం విదేశాల్లోనే చిత్రీకరించగా, కొందరు విదేశీ నటీనటులు కూడా నటిస్తున్నారు. అలాగే.. ఈ సినిమా కోసం పలువురు హాలీవుడ్ టెక్నీషియన్లు కూడా పనిచేస్తున్నారు. మరి ఏజెంట్ టీజర్ ఎలా ఉండబోతుందో చూడాలి.

నవీకరించబడిన తేదీ – 2022-07-06T18:15:04+05:30 IST