రాష్ట్రంలో వైద్య విద్య ప్రవేశాల్లో ఎస్టీలకు కొత్తగా పెంచిన రిజర్వేషన్ అమలు కానుంది. ఇటీవల కాళోజీ నారాయణరావు హెల్త్ యూనివర్సిటీ విడుదల చేసిన ఎంబీబీఎస్, బీడీఎస్ కన్వీనర్ కోటా నోటిఫికేషన్‌లో ఎస్టీ రిజర్వేషన్ పది శాతం.
ఎంబీబీఎస్ ప్రవేశాల నోటిఫికేషన్‌లో ఆరోగ్య వర్సిటీ వెల్లడించింది
ఆ విద్యార్థులకు 237 అదనపు సీట్లు?
హైదరాబాద్ , అక్టోబరు 10 (ఆంధ్రజ్యోతి): రాష్ట్రంలో వైద్య విద్య ప్రవేశాల్లో ఎస్టీలకు కొత్తగా పెంచిన రిజర్వేషన్ అమలు కానుంది. ఇటీవల కాళోజీ నారాయణరావు హెల్త్ యూనివర్సిటీ విడుదల చేసిన ఎంబీబీఎస్, బీడీఎస్ కన్వీనర్ కోటా నోటిఫికేషన్‌లో పది శాతం ఎస్టీ రిజర్వేషన్లు అమలు చేస్తామని పేర్కొంది. వైద్య విద్య అడ్మిషన్లలో ఈ నెల 3న జారీ చేసిన జీవో నంబర్ 33ని అమలు చేయనున్నట్లు గిరిజన సంక్షేమ శాఖ ప్రకటించింది. ఎస్టీలకు ప్రస్తుతం ఉన్న 6 శాతం రిజర్వేషన్లను 10 శాతానికి పెంచి అమలు చేయాలని గిరిజన సంక్షేమ శాఖ పేర్కొంది. ఈ నేపథ్యంలో ఎంబీబీఎస్, బీడీఎస్ అడ్మిషన్లలో ఈ రిజర్వేషన్ అమలు కానుంది. రాష్ట్రంలో ఇప్పటికే ఎన్ని కన్వీనర్ కోటా MBBS సీట్లు ఉన్నాయి? ఎస్టీలకు 6 శాతం చొప్పున ఎన్ని సీట్లు కేటాయించారు? అలాగే, పీజీ మెడికల్, పీజీ డెంటల్, బీడీఎస్‌లకు ఎన్ని సీట్లు అందుబాటులో ఉన్నాయి? 6 శాతం ఎస్టీ రిజర్వేషన్ సీట్లు ఎన్ని ఉన్నాయనే వివరాలపై వైద్యశాఖ కసరత్తు పూర్తి చేసింది. ఆరు శాతం సీట్లకు మరో నాలుగు శాతం సీట్లు వచ్చాయి. దాంతో ఎస్టీలకు ఎన్ని సీట్లు పెంచారో తేలిపోయింది.
అదనంగా 237 సీట్లు..?
మెడికల్ అడ్మిషన్లలో ఎస్టీలకు మొత్తం 237 సీట్లు వచ్చే అవకాశం ఉంది. రిజర్వేషన్లను ఆరు నుంచి పది శాతానికి పెంచడం ద్వారా ఒక్క ఎంబీబీఎస్ లోనే అదనంగా 150 సీట్లు అందుబాటులోకి రానున్నాయి. అలాగే, ఎస్టీ సీట్లు పీజీ మెడికల్‌లో 51, పీజీ డెంటల్‌లో 8, బ్యాచిలర్ ఆఫ్ డెంటల్ సర్జన్ (బీడీఎస్)లో 28కి పెరిగే అవకాశం ఉంది. అయితే ఇందులో చిన్న చిన్న మార్పులు చేయవచ్చు. ఈ ఏడాది ఒక్క కన్వీనర్ కోటాలో 3754 వరకు ఎంబీబీఎస్ సీట్లు ఉంటాయి. కొత్త ప్రభుత్వ, ప్రైవేట్ మెడికల్ కాలేజీలతో ఎంబీబీఎస్ సీట్ల సంఖ్య పెరగనుంది. కొత్తగా ఏర్పాటైన ప్రభుత్వ వైద్య కళాశాలల్లో అదనంగా 1200 ఎంబీబీఎస్ సీట్లు అందుబాటులోకి రానున్నాయి.
నవీకరించబడిన తేదీ – 2022-10-11T15:38:59+05:30 IST
