ఆలిండియా ప్రీ మెడికల్ స్కాలర్‌షిప్ టెస్ట్

దేశవ్యాప్తంగా గుర్తింపు పొందిన భాగస్వామ్య విశ్వవిద్యాలయాలు మరియు కళాశాలల్లో మెడికల్/బయో-మెడికల్/బయో-కెమికల్ కోర్సుల్లో చేరిన విద్యార్థులకు ఆర్థిక సహాయం అందించడానికి ఆల్ ఇండియా ప్రీ-మెడికల్ స్కాలర్‌షిప్ టెస్ట్ (AIPMST) ప్రైమరీ మరియు సెకండరీ నోటిఫికేషన్ విడుదల చేయబడింది. B.ఫార్మా, B.Sc.బయోటెక్నాలజీ, B.Sc.నర్సింగ్, పారామెడికల్ కోర్సులు, BPT, B.Sc. అగ్రికల్చర్ (ఆనర్స్), BMLT కోర్సులలో ప్రవేశం పొందిన అభ్యర్థులు ప్రైమరీ టెస్ట్ ద్వారా స్కాలర్‌షిప్ పొందవచ్చు. మన దేశంలోని ప్రభుత్వ/ప్రైవేట్ భాగస్వామ్య కళాశాలల్లో MBBS, BDS, BHMS, BAMS, BUMS కోర్సుల్లో ప్రవేశం పొందిన వారు సెకండరీ పరీక్ష ద్వారా స్కాలర్‌షిప్ పొందవచ్చు. ‘స్కాలర్‌షిప్ మరియు అడ్మిషన్ ఎలిజిబిలిటీ టెస్టింగ్ ఏజెన్సీ’ ఈ పరీక్షలను నిర్వహిస్తుంది. పాల్గొనే విశ్వవిద్యాలయాలు/కళాశాలల వివరాల కోసం వెబ్‌సైట్‌ను సందర్శించండి. AIPMST (ప్రైమరీ/సెకండరీ)లో వారి స్కోర్ ఆధారంగా అభ్యర్థులకు స్కాలర్‌షిప్‌లు అందించబడతాయి.

అర్హత: గుర్తింపు పొందిన బోర్డు నుండి ఫిజిక్స్, కెమిస్ట్రీ, మ్యాథ్స్/ బయాలజీని ప్రధాన సబ్జెక్టులుగా ఇంటర్ (BIPC/MPC)/ XII/ తత్సమాన కోర్సు పూర్తి చేసిన అభ్యర్థులు దరఖాస్తు చేసుకోవచ్చు. అభ్యర్థులు 1 అక్టోబర్ 1997న లేదా ఆ తర్వాత జన్మించి ఉండాలి. వికలాంగులు, SC మరియు ST అభ్యర్థులకు ఐదేళ్ల సడలింపు వర్తిస్తుంది. AIPMST (సెకండరీ) పరీక్ష రాయడానికి, NEET ప్రవేశ పరీక్షలో అర్హత సాధించాలి.

AIPMST (ప్రాధమిక) స్కాలర్‌షిప్ వివరాలు: AIPMST (ప్రైమరీ) పరీక్షలో 90% కంటే ఎక్కువ మార్కులు సాధించిన మరియు అనుబంధ ఆరోగ్య శాస్త్ర ప్రోగ్రామ్‌లలో ప్రవేశం పొందిన 5000 మంది అభ్యర్థులకు ట్యూషన్ ఫీజు 3 సంవత్సరాల పాటు చెల్లించబడుతుంది. 80 నుండి 90 శాతం మార్కులు సాధించిన 20000 మంది విద్యార్థులకు మొదటి సంవత్సరం ట్యూషన్ ఫీజు చెల్లించబడుతుంది. 80 శాతం కంటే తక్కువ మార్కులు సాధించిన 75,000 మందితో సహా పై అభ్యర్థులందరికీ ప్రామాణిక ల్యాప్‌టాప్‌లు ఇవ్వబడతాయి.

• విదేశాల్లో MBBSలో చేరిన అభ్యర్థుల కోసం: ప్రైమరీ పరీక్షలో 90 శాతం కంటే ఎక్కువ మార్కులు సాధించిన 500 మందికి నాలుగేళ్లపాటు ట్యూషన్ ఫీజు + ల్యాప్‌టాప్ ఇవ్వబడుతుంది. 80 నుండి 90 శాతం మధ్య స్కోర్ చేసిన 5,000 మంది అభ్యర్థులకు మొదటి సంవత్సరం ట్యూషన్ ఫీజు + ల్యాప్‌టాప్ ఇవ్వబడుతుంది. 80 శాతం కంటే తక్కువ మార్కులు సాధించిన 20000 మంది అభ్యర్థులకు ప్రామాణిక ల్యాప్‌టాప్ ఇవ్వబడుతుంది.

AIPMST (సెకండరీ) స్కాలర్‌షిప్ వివరాలు: కోర్సుల వారీగా స్కాలర్‌షిప్‌లు ఇవ్వబడతాయి.

• ప్రభుత్వ కళాశాలల్లో ప్రవేశాల కోసం: సెకండరీ పరీక్షలో 90 శాతం కంటే ఎక్కువ స్కోర్ చేసిన 100 మంది అభ్యర్థులకు పూర్తి ట్యూషన్ ఫీజు; 80 నుండి 90 శాతం మధ్య స్కోర్ చేసిన 500 మంది విద్యార్థులకు మొదటి సంవత్సరం ట్యూషన్ ఫీజు; 70 నుంచి 80 శాతం స్కోర్ చేసిన 3000 మందికి ప్రామాణిక ల్యాప్‌టాప్ ఇవ్వబడుతుంది.

ప్రైవేట్ కాలేజీల్లో చేరిన వారికి: సెకండరీ పరీక్షలో 90 శాతం కంటే ఎక్కువ స్కోర్ చేసిన 50 మంది విద్యార్థులకు మొదటి సంవత్సరం ట్యూషన్ ఫీజు; 80 నుండి 90 శాతం మధ్య స్కోర్ చేసిన 200 మంది విద్యార్థులకు మొదటి సంవత్సరం ట్యూషన్ ఫీజులో సగం; 70 నుంచి 80 శాతం స్కోర్ చేసిన 3000 మందికి ప్రామాణిక ల్యాప్‌టాప్ ఇవ్వబడుతుంది.

AIPMST వివరాలు: ఇది కంప్యూటర్ ఆధారిత పరీక్ష. ప్రైమరీ టెస్ట్‌లో ఫిజిక్స్, కెమిస్ట్రీ, బయాలజీ సబ్జెక్టుల్లో ఒక్కో సబ్జెక్టులో 50 మల్టిపుల్ చాయిస్ ప్రశ్నలు ఇస్తారు. సెకండరీ పరీక్షలో ఇవి కాకుండా ఇంగ్లిష్ ప్రావీణ్యం, లాజికల్ రీజనింగ్ నుంచి 50 ప్రశ్నలు అడుగుతారు. ప్రశ్నకు నాలుగు మార్కులు ఉంటాయి. సమాధానం తప్పుగా ఉంటే పావు మార్కు కోత విధిస్తారు. ఒకటి కంటే ఎక్కువ సమాధానాలను గుర్తించినట్లయితే, సరైన సమాధానాలు ఉన్నప్పటికీ అది తప్పుగా పరిగణించబడుతుంది. పరీక్ష వ్యవధి మూడు గంటలు. మొబైల్ ఫోన్లు మరియు కాలిక్యులేటర్లు అనుమతించబడవు. అభ్యర్థులు అడ్మిట్ కార్డ్‌తో పాటు ఫోటో గుర్తింపు (డ్రైవింగ్ లైసెన్స్/ పాస్‌పోర్ట్/ పాన్ కార్డ్/ ఓటర్ ఐడీ/ ఆధార్ కార్డ్/ స్కూల్ లేదా కాలేజ్ ఐడీ కార్డ్) వెంట తీసుకెళ్లాలి.

ముఖ్యమైన సమాచారం

దరఖాస్తు రుసుము: జనరల్, OBC, EWS అభ్యర్థులకు రూ.1,450; మహిళలు, వికలాంగులు, ఎస్సీ, ఎస్టీ అభ్యర్థులకు రూ.1250

ఆన్‌లైన్ దరఖాస్తుకు చివరి తేదీ: అక్టోబర్ 31

దిద్దుబాటు విండో తెరుచుకుంటుంది: 2023 ఏప్రిల్ 1 నుండి 8 వరకు

అడ్మిట్ కార్డ్‌ల డౌన్‌లోడ్: 2023 ఏప్రిల్ 10 నుండి

డెమో పరీక్ష: 2023 ఏప్రిల్ 15 నుండి 20 వరకు

తెలుగు రాష్ట్రాల్లో పరీక్షా కేంద్రాలు: ఆదిలాబాద్, గద్వాల్, హయత్ నగర్, హైదరాబాద్, జగిత్యాల, జంగం, కరీంనగర్, ఖమ్మం, మహబూబ్ నగర్, మెదక్, మేడ్చల్, నల్గొండ, నిజామాబాద్, సిద్దిపేట, సూర్యాపేట, వరంగల్, అమరావతి, అనంతపురం, చిత్తూరు, ఏలూరు, గుంటూరు, కడప, కాకినాడ, కుపట్నం, కాకినాడ, నర్సరావుపేట, నెల్లూరు, తిరుపతి, విజయవాడ, విశాఖపట్నం

AIPMST (ప్రాధమిక, ద్వితీయ) తేదీలు: 2023 ఏప్రిల్ 24, 26, 28, 30

ఫలితాలు విడుదల: 5 మే 2023న

కౌన్సెలింగ్ రుసుము: రూ.5000

ఆన్‌లైన్ కౌన్సెలింగ్: 2023 మే 10 నుండి 30 వరకు

వెబ్‌సైట్: aipmstprimary.co.in, aipmssecondary.co.in

నవీకరించబడిన తేదీ – 2022-11-03T18:00:26+05:30 IST