ఖవాజా అజేయ సెంచరీ | ఖవాజా అజేయ సెంచరీ

బర్మింగ్‌హామ్: యాషెస్‌ తొలి టెస్టులో ఆస్ట్రేలియా దీటుగా జవాబిస్తోంది. ఓపెనర్ ఉస్మాన్ ఖవాజా (126 బ్యాటింగ్) అజేయ సెంచరీతో రాణించి కీలక భాగస్వామ్యాలతో జట్టును ఆదుకున్నాడు. ట్రావిస్ హెడ్ (50), అలెక్స్ కారీ (52 బ్యాటింగ్), గ్రీన్ (38) రాణించడంతో ఈ జట్టు తొలి ఇన్నింగ్స్‌లో 94 ఓవర్లలో 5 వికెట్లకు 311 పరుగులు చేసింది. బ్రాడ్, అలీకి రెండు వికెట్లు దక్కాయి. ప్రస్తుతం ఇంగ్లండ్‌ కంటే 82 పరుగులు వెనుకబడి ఉంది. పేలవమైన ఫీల్డింగ్‌తో ఇంగ్లండ్ అనేక అవకాశాలను చేజార్చుకుంది. ఓవర్ నైట్ స్కోరు 14/0తో రెండో రోజు ఆట ప్రారంభించిన ఆసీస్ ఆదిలోనే తడబడింది. పదో ఓవర్లో బ్రాడ్ వరుస బంతుల్లో ఓపెనర్ వార్నర్ (9), లబుషానే (0)లను పెవిలియన్‌కు చేర్చాడు. స్టీవ్ స్మిత్ (16) కూడా స్వల్ప స్కోరుకే స్టోక్స్ బౌలింగ్‌లో ఎల్బీడబ్ల్యూ అవడంతో ఆసీస్ 67/3 స్కోరుతో కష్టాల్లో పడింది. కానీ ఈ దశలో ఖవాజా-హెడ్ జట్టును ఆదరించారు. నాలుగో వికెట్‌కు 81 పరుగులు జోడించిన తర్వాత అలీ బౌలింగ్‌లో వెనుదిరిగాడు. ఖవాజాతో కలిసి ఐదో వికెట్‌కు 71 పరుగులు అందించిన తర్వాత గ్రీన్ (38) కూడా అలీ బౌలింగ్‌లో ఔటయ్యాడు. ఖవాజా చక్కటి ఫోర్ తో సెంచరీ పూర్తి చేశాడు. అనంతరం అలెక్స్ కారీ కూడా బౌలర్లను నిరాశపరిచి జట్టు భారీ స్కోరుకు సహకరించాడు. కారీ 69 బంతుల్లో తన యాభైని పూర్తి చేశాడు. ఈ జోడి రెండో రోజు ఆరో వికెట్‌కు అజేయంగా 91 పరుగులు చేసింది.

సంక్షిప్త స్కోర్లు: ఇంగ్లండ్ మొదటి ఇన్నింగ్స్: 393/8 డిక్లేర్డ్; ఆసీస్ తొలి ఇన్నింగ్స్: 311/5 (ఖవాజా 126 బ్యాటింగ్, క్యారీ 52 బ్యాటింగ్, హెడ్ 50)

నవీకరించబడిన తేదీ – 2023-06-18T06:01:25+05:30 IST