ఈ వారం దేశీయ ఈక్విటీ మార్కెట్ల గమనాన్ని ప్రస్తుతం ఉన్న అంతర్జాతీయ ట్రెండ్లతో పాటు రుతుపవనాల గమనం కూడా నిర్దేశించవచ్చు. బీఎఫ్ఎస్ఐ రంగం చూపిన బలం కారణంగా నిఫ్టీ గత వారం కొత్త రికార్డుల గరిష్టాలను నమోదు చేయడం గమనార్హం. ఈ వారం నిఫ్టీ 19,000 పాయింట్ల స్థాయిని తాకే అవకాశాలు ఉన్నాయి. అంతర్జాతీయ పోకడలు కూడా ఇందుకు దోహదం చేస్తాయి. నిఫ్టీ ఈ వారం తిరోగమనాన్ని సూచిస్తే, తక్షణ మద్దతు స్థాయిలు 18,700 వద్ద ఉన్నాయి. ఆ తర్వాత 18,600-18,550 వద్ద మద్దతు స్థాయిలు ఉంటాయి. వ్యాపారులు ఎప్పటికప్పుడు మార్కెట్ పరిస్థితులను గమనిస్తూ ట్రేడింగ్ చేపట్టడం మంచిది.
స్టాక్ సిఫార్సులు
IRCTC: గత కొంత కాలంగా ఈ షేర్ స్తబ్దుగా ఉంది. ఇటీవలే ఈ స్టాక్ రూ.580-600 స్థాయిల వద్ద బలమైన పునాదిని ఏర్పరుచుకుంది. గత శుక్రవారం రూ.656 స్థాయిని అధిగమించి బ్రేకవుట్ సాధించింది. రోజువారీ టైమ్ ఫ్రేమ్ చార్ట్ల ప్రకారం, బుల్లిష్ కప్ మరియు హ్యాండిల్ ప్యాటర్న్ సూచించబడుతుంది. ఈ క్యాలెండర్ సంవత్సరంలో స్టాక్ మొదటిసారిగా 200 SMAని దాటింది. గత శుక్రవారం రూ.665 వద్ద ముగిసిన ఈ షేరును రూ.706 టార్గెట్ ధరతో కొనుగోలు చేసేందుకు పరిగణించవచ్చు. కానీ రూ.642 స్థాయిని స్టాప్లాస్గా ఉంచాలి.
UBL: గత కొన్ని రోజులుగా ఈ స్టాక్లో కొంత స్తబ్దత నెలకొంది. వీక్లీ టైమ్ ఫ్రేమ్ చార్ట్ల ప్రకారం, షేర్ ధర 200 SMA (రూ. 1,353) వద్ద ఉంది. అయితే ఈ షేర్ కొద్ది రోజులుగా అప్ ట్రెండ్ కనబరుస్తూ ట్రేడర్లకు ఫేవరెట్ స్టాక్ గా మారింది. గత శుక్రవారం, వాల్యూమ్లు అనూహ్యంగా పుంజుకోవడంతో రూ.1,500 మార్క్కు ఎగువన రూ.1,512.20 వద్ద ముగిసింది. ఈ జోరు సమీప భవిష్యత్తులోనూ కొనసాగే అవకాశం ఉంది. రూ.1,582 సమీప-కాల లక్ష్య ధరతో, ఈ స్టాక్ను కొనుగోలుగా పరిగణించవచ్చు. కానీ రూ.1,482 స్థాయిని స్టాప్ లాస్ గా ఉంచాలి.
-సమితా చవానా, చీఫ్ అనలిస్ట్, టెక్నికల్,
డెరివేటివ్స్, ఏంజెల్ వానా లిమిటెడ్
గమనిక: పెట్టుబడి నిర్ణయాలు తీసుకునే ముందు పెట్టుబడిదారులు తమ ఆర్థిక సలహాదారులను సంప్రదించాలి.
నవీకరించబడిన తేదీ – 2023-06-19T01:40:40+05:30 IST
