ఇద్దరు అవుట్ అండ్ అవుట్ యాక్షన్ ఎంటర్‌టైనర్ చిత్రం ఇందులో యాక్షన్ కింగ్ అర్జున్, రాధిక కుమారస్వామి (కర్ణాటక మాజీ ముఖ్యమంత్రి కుమారస్వామి భార్య) మరియు సోనీ చరిష్ట హీరోహీరోయిన్లుగా నటించారు. ఎంటర్‌టైన్‌మెంట్ బ్యానర్‌పై ఎఫ్‌ఎస్‌డిఎస్ రెడ్డి సమర్పణలో.. ఎస్‌ఎస్‌కి సమీర్ దర్శకత్వం వహించగా ఫర్హీన్ ఫాతిమా నిర్మించారు. అన్ని కార్యక్రమాలు పూర్తి చేసుకున్న ఈ చిత్రం ఈ నెల 7న (జూలై 7) ప్రేక్షకుల ముందుకు రానుంది. నటుడు జెడి చక్రవర్తి, అమీర్ ఖాన్ సోదరుడు ఫైసల్ ఖాన్, దివంగత కె విశ్వనాథ్ ఈ చిత్రంలో కీలక పాత్రలు పోషించారు. ఈ సినిమా విడుద‌ల సందర్భంగా హీరోయిన్ సోని చ‌రిష్టా సినిమా విశేషాల‌ను తెలియజేసింది.
ఆమె మాట్లాడుతూ.. ముందుగా ఈ సినిమాలో నటించే అవకాశం ఇచ్చిన దర్శకుడు సమీర్ గారికి కృతజ్ఞతలు. యాక్షన్ కింగ్ అర్జున్‌గారితో స్క్రీన్ షేర్ చేసుకోవడం నిజంగా నా అదృష్టం. రాధికా కుమారస్వామి కూడా చాలా సపోర్ట్ అందించారు. ‘ఇద్దరు’ సినిమా నా కెరీర్‌లో ఓ మైలురాయి. ఈ సినిమా నాకు ఎన్నో మంచి జ్ఞాపకాలను అందించింది. ఈ సినిమా విడుదలయ్యాక అందరూ నా పాత్ర గురించే మాట్లాడుకుంటున్నారు. దర్శకుడు మంచి పాత్ర ఇచ్చాడు. ఈ సందర్భంగా చిత్ర సమర్పకులు డిఎస్‌ రెడ్డికి, నిర్మాత ఫర్హీన్ ఫాతిమాకు కృతజ్ఞతలు తెలియజేస్తున్నాను. జులై 7న థియేటర్లలోకి రాబోతున్న ఈ చిత్రాన్ని అందరూ చూడాలని, తప్పకుండా విజయం సాధించాలని కోరుకుంటున్నాను అన్నారు. (ఇద్దరు గురించి సోనీ చరిష్ట)
అన్ని వర్గాల ప్రేక్షకులకు నచ్చే అంశాలు ఇందులో ఉన్నాయని చిత్ర నిర్మాతలు తెలిపారు. యాక్షన్ కింగ్ అర్జున్, జెడి చక్రవర్తి నటించిన ఈ సినిమా మంచి విజయం సాధిస్తుందన్న నమ్మకం ఉందని, సినిమా విడుదలకు సహకరించిన వారందరికీ కృతజ్ఞతలు తెలిపారు.
*******************************************
****************************************
****************************************
****************************************
****************************************
నవీకరించబడిన తేదీ – 2023-07-05T18:12:46+05:30 IST
