చెన్నై: అద్దె ఇళ్లలో ఉండే గృహిణులు కూడా రూ.1000 పథకానికి అర్హులే.

ABN
మొదటి ప్రచురణ తేదీ – 2023-07-22T07:33:24+05:30 IST

బియ్యం రేషన్ కార్డులున్న పేద గృహిణులకు నెలకు రూ.1000 చెల్లించే పథకానికి అద్దె ఇళ్లలో నివసిస్తున్న గృహిణులు కూడా అర్హులు.

చెన్నై: అద్దె ఇళ్లలో ఉండే గృహిణులు కూడా రూ.1000 పథకానికి అర్హులే.

– కార్పొరేషన్ కమిషనర్ రాధాకృష్ణన్ ప్రకటన

– తొలిరోజు రాష్ట్రవ్యాప్తంగా 25 లక్షల దరఖాస్తుల పంపిణీ

చెన్నై, (ఆంధ్రజ్యోతి): బియ్యం రేషన్ కార్డులున్న పేద గృహిణులకు నెలకు రూ.1000 చెల్లించే పథకానికి అద్దె ఇళ్లలో ఉంటున్న గృహిణులు కూడా అర్హులని, వారికి దరఖాస్తులు పంపిణీ చేస్తామని గ్రేటర్ చెన్నై కార్పొరేషన్ కమిషనర్ డా.జె.రాధాకృష్ణన్ తెలిపారు. శుక్రవారం స్థానిక చింతాద్రిపేట సామాజిక కేంద్రంలో లబ్ధిదారుల ఎంపికకు సంబంధించిన దరఖాస్తుల పంపిణీని ఆయన పరిశీలించారు. ఆ సందర్భంగా ఆయన విలేకరులతో మాట్లాడుతూ నగరంలోని 703 రేషన్ షాపుల పరిధిలో గృహిణులకు దరఖాస్తులు ఇచ్చామని, తొలిరోజు 15శాతం మందికి పంపిణీ చేశామన్నారు. శిబిరాల్లో పనిచేసే సిబ్బందికి తగిన శిక్షణ అందించామని, ప్రతి 500 మంది గృహిణులకు ఒక శిబిరాన్ని ఏర్పాటు చేశామన్నారు. 2500 రేషన్ కార్డులున్న రేషన్ షాపుల్లో ఐదు క్యాంపులు నిర్వహించనున్నారు. శిబిరాలు నిర్వహించే చోట విద్యుత్‌ సరఫరాకు అంతరాయం కలగకుండా ఏర్పాట్లు చేస్తున్నారు. ఖాతాలు లేని వారికి సహకార బ్యాంకుల్లో ఖాతాలు తెరవనున్నారు. శిబిరాలకు ఆధార్ కార్డు, విద్యుత్ బిల్లు చెల్లింపు కార్డు తీసుకురావాలని ప్రభుత్వం ప్రకటించిందని, అద్దె ఇళ్లలో నివసిస్తున్న వారు కూడా ఈ పథకానికి అర్హులని తెలిపారు. వారికి కరెంటు బిల్లులు లేకపోయినా పర్వాలేదు. శిబిరాల్లో దరఖాస్తుల పంపిణీకి 2300 బయోమెట్రిక్ పరికరాలను కూడా సిద్ధంగా ఉంచారు.

మొదటి రోజు…

రాష్ట్రవ్యాప్తంగా 25 లక్షల మంది గృహిణులకు కలైంజర్ మహిళా సఖారికా నగదు చెల్లింపు పథకం దరఖాస్తులను గురువారం పంపిణీ చేసినట్లు ప్రభుత్వం తెలిపింది. జిసిసి పరిధిలోని 10 లక్షల మంది గృహిణులకు దరఖాస్తులు పంపిణీ చేయాల్సి ఉండగా గురువారం లక్షన్నర మందికి దరఖాస్తులు ఇచ్చామని కార్పొరేషన్ అధికారులు తెలిపారు. శనివారం సాయంత్రంలోగా 90శాతం గృహిణులకు దరఖాస్తుల పంపిణీ పూర్తి చేయాలని, ఆదివారం ఉదయం నుంచి సాయంత్రం వరకు అర్హులైన వారికి దరఖాస్తులు ఇవ్వాలని నిర్ణయించామన్నారు.

నాని2.2.jpg

నవీకరించబడిన తేదీ – 2023-07-22T07:54:36+05:30 IST

Leave a Reply

Your email address will not be published. Required fields are marked *