కొరియా ఓపెన్ గెలిచిన ఉత్సాహంలో ఉన్న భారత స్టార్ డబుల్స్ జోడీ సాత్విక్/చిరాగ్.. వరుసగా రెండో టైటిల్ సాధించాలనే లక్ష్యంతో జపాన్ ఓపెన్ కు సిద్ధమయ్యారు.
నేటి నుంచి జపాన్ ఓపెన్
సింధు ఫామ్ అందుకుంటుందా?
టోక్యో: కొరియా ఓపెన్) గెలిచిన ఉత్సాహంలో ఉన్న భారత స్టార్ డబుల్స్ జోడీ సాత్విక్/చిరాగ్ (సాత్విక్/చిరాగ్) వరుసగా రెండో టైటిల్ లక్ష్యంగా జపాన్ ఓపెన్ (జపాన్ ఓపెన్)కు సిద్ధమయ్యారు. మరోవైపు స్టార్ షట్లర్ పీవీ సింధు (పీవీ సింధు) ఈ సీజన్ లో తొలి టైటిల్ అందుకోవాలనే పట్టుదలతో బరిలోకి దిగుతోంది. బ్యాడ్మింటన్ వరల్డ్ ఫెడరేషన్ (BWF) సూపర్ 750 టోర్నమెంట్ మొదటి రౌండ్లో, ప్రపంచ మూడో ర్యాంకర్ సాత్విక్/చిరాగ్ మొదటి రౌండ్లో లియో రోలి కర్నాండో/డేనియల్ మార్థిన్ (ఇండోనేషియా)తో తలపడతారు. చైనా క్రీడాకారిణి జాంగ్ యీ మ్యాన్తో సింధు పోరు ప్రారంభించనుంది. ఈ ఏడాది ఆరు బీడబ్ల్యూఎఫ్ టోర్నీల్లో సింధు తొలి రౌండ్ లోనే ఓడిపోవడం గమనార్హం. ఫలితంగా.. ఆమె ప్రపంచ ర్యాంక్ 17వ స్థానానికి పడిపోయింది. మరోవైపు 10వ ర్యాంకర్ ప్రణయ్ అన్ సీడెడ్ లీ షి ఫెంగ్ (చైనా)తో, కిదాంబి శ్రీకాంత్ తైపీకి చెందిన చౌ టియెన్ చెన్తో తలపడనున్నారు. కెనడా ఓపెన్ ఛాంపియన్ లక్ష్యసేన్ తొలి రౌండ్లో తన సహచరుడు ప్రియాంషు రజావత్తో తలపడనున్నాడు. మహిళల సింగిల్స్లో మాళవిక బన్సోద్ స్థానిక క్రీడాకారిణి అయా ఒహోరితో, ఆకర్షి కశ్యప్ టాప్ సీడ్ యమగుచితో తొలి రౌండ్లో ఆడనున్నారు. పురుషుల డబుల్స్లో అర్జున్/కపిల, మహిళల డబుల్స్లో గాయత్రి గోపీచంద్/తెరెసా జోలీ కూడా బరిలో ఉన్నారు.
నవీకరించబడిన తేదీ – 2023-07-25T02:11:24+05:30 IST
