ఈ ఏడాది కీలక వన్డే ప్రపంచకప్కు ముందు ఆసియా కప్ 2023 జరగనుంది. కానీ షెడ్యూల్ ప్రకారం పాకిస్థాన్ గడ్డపైనే ఆసియాకప్ జరగాలి. అయితే ఆసియా కప్ను పాకిస్థాన్లో నిర్వహిస్తే తాము పాల్గొనబోమని టీమ్ ఇండియా నిర్ణయించడంతో ఆసియా క్రికెట్ కౌన్సిల్ (ఏసీసీ) ప్రత్యామ్నాయాలపై దృష్టి సారించింది. హైబ్రిడ్ మోడల్లో ఆసియా కప్ను పాకిస్థాన్, శ్రీలంకలలో నిర్వహించాలని నిర్ణయించారు. ఆగస్టు 31 నుంచి ప్రారంభం కానున్న ఆసియా కప్ 50 ఓవర్ల ఫార్మాట్లో జరగనుంది. సెప్టెంబర్ 17న ఫైనల్ జరగనుంది.
ఐసీసీ చీఫ్ ఎగ్జిక్యూటివ్స్ కమిటీ సమావేశం మంగళవారం దక్షిణాఫ్రికాలోని డర్బన్లో జరిగింది. ఈ సందర్భంగా ఆసియాకప్ షెడ్యూల్ ఖరారైనట్లు తెలుస్తోంది. త్వరలోనే షెడ్యూల్పై అధికారిక ప్రకటన రానుంది. ఈ శుక్రవారం షెడ్యూల్ విడుదలయ్యే అవకాశం ఉంది. ఆసియా కప్లో మొత్తం 13 లీగ్ మ్యాచ్లు ఉంటాయి. ఇందులో నాలుగు మ్యాచ్లు మాత్రమే పాకిస్థాన్లో జరుగుతాయని తెలుస్తోంది. మిగిలిన మ్యాచ్లు శ్రీలంకలో జరగనున్నాయి. నాలుగు మ్యాచ్ల్లో పాకిస్థాన్కు సొంతగడ్డపై ఏకైక మ్యాచ్ అని సమాచారం. లాహోర్ వేదికగా జరిగే ఈ మ్యాచ్లో నేపాల్తో పాకిస్థాన్ తలపడనుంది. ఇతర మ్యాచ్లలో ఆఫ్ఘనిస్తాన్ vs బంగ్లాదేశ్, బంగ్లాదేశ్ vs శ్రీలంక మరియు శ్రీలంక vs ఆఫ్ఘనిస్తాన్ ఉన్నాయి. టీమిండియా ఆడే మ్యాచ్లన్నీ శ్రీలంకలోనే జరగనున్నాయి.
ఇది కూడా చదవండి: హనుమ విహారి: మళ్లీ సత్తా చాటుతా.. జట్టులోకి వస్తా..!!
ఆసియా కప్లో మొత్తం ఆరు జట్లు పాల్గొంటాయి. భారత్, పాకిస్థాన్, శ్రీలంక, బంగ్లాదేశ్, నేపాల్, ఆఫ్ఘనిస్థాన్ జట్లు రెండు జట్లుగా విడిపోతాయి. గ్రూప్-ఎలో భారత్, పాకిస్థాన్, నేపాల్ జట్లు ఉండగా, గ్రూప్-బిలో శ్రీలంక, ఆఫ్ఘనిస్థాన్, బంగ్లాదేశ్ జట్లు ఉన్నాయి. ఆసియా కప్లో భారత్-పాకిస్థాన్ జట్లు రెండు సార్లు తలపడే అవకాశం ఉంది. ఫైనల్ కు చేరితే మూడోసారి దాయాదుల మ్యాచ్ ను వీక్షించే అవకాశం అభిమానులకు దక్కుతుంది. ఆసియాకప్కు భారత జట్టు రాకపోతే ప్రపంచకప్కు భారత్కు వెళ్లేది లేదని గతంలో చెప్పిన పాక్ జట్టుకు ప్రస్తుత షెడ్యూల్ షాక్ అని చెప్పాలి. ఎందుకంటే ఆ జట్టు స్వదేశంలో ఒకే ఒక్క మ్యాచ్ ఆడుతోంది
నవీకరించబడిన తేదీ – 2023-07-12T16:48:11+05:30 IST
