కంపెనీలో ఎగ్జిక్యూటివ్ మరియు నాయకత్వ పునర్వ్యవస్థీకరణ
సీనియర్ మేనేజ్ మెంట్ లో హైదరాబాద్ అధినేత రాజన్నకు చోటు దక్కింది
ముంబై: దేశీయ ఐటీ దిగ్గజం టాటా కన్సల్టెన్సీ సర్వీసెస్ (TCS) కొత్త CEO, MD కృతివాసన్ ఆధ్వర్యంలో ఎగ్జిక్యూటివ్ మరియు నాయకత్వ పునర్వ్యవస్థీకరణకు శ్రీకారం చుట్టింది. కార్యాచరణ మార్పుల్లో భాగంగా సెక్టార్లు, మార్కెట్ల వారీగా వ్యాపార సమూహాలను ఏర్పాటు చేస్తున్నట్లు కంపెనీ వెల్లడించింది. గత సారథి రాజేష్ గోపీనాథన్.. ఏప్రిల్ 2022లో క్లయింట్‌ల ఆర్డర్ విలువ ఆధారంగా వారి నిర్వహణను వర్గీకరించే విధానాన్ని ప్రవేశపెట్టారు. ఆ మార్పుపై పలువురు సీనియర్ ఎగ్జిక్యూటివ్‌లు అసంతృప్తిగా ఉన్న నేపథ్యంలో టీసీఎస్ ప్రస్తుత పునర్వ్యవస్థీకరణను చేపట్టిన సంగతి తెలిసిందే. జూన్ 1న టీసీఎస్ పగ్గాలు చేపట్టిన కృతివాసన్ గత రెండు నెలల్లో సిబ్బంది మరియు క్లయింట్‌లతో సమావేశమై వారి నుంచి సేకరించిన ఫీడ్‌బ్యాక్ ఆధారంగా ఈ మార్పులు చేసినట్లు కంపెనీ తెలిపింది. TCS నాయకత్వంలో కూడా పెను మార్పులు చోటు చేసుకున్నాయి. 2-3 దశాబ్దాలుగా సంస్థలో కొనసాగుతున్న పలువురికి కీలక బాధ్యతలు అప్పగించారు. కంపెనీ చీఫ్ టెక్నాలజీ ఆఫీసర్ (సీటీవో) అనంత్ కృష్ణన్ ఈ నెల 31 నుంచి సీనియర్ మేనేజ్‌మెంట్ హోదాలో కొనసాగరని కంపెనీ వెల్లడించింది. అక్టోబర్‌లో అనంత్ కృష్ణన్ పదవీ విరమణ చేయనున్న నేపథ్యంలో సంస్థ ఈ నిర్ణయం తీసుకుంది. కృష్ణన్ స్థానంలో డాక్టర్ హారిక్ విన్ సీనియర్ మేనేజ్‌మెంట్‌గా నియమించబడ్డారు మరియు CTO బాధ్యతలు కూడా ఇచ్చారు. కంపెనీ చీఫ్ మార్కెటింగ్ ఆఫీసర్ రాజశ్రీ ఆర్ సీనియర్ మేనేజ్‌మెంట్ హోదాలో ఉండరని టీసీఎస్ ప్రకటించింది. ఆగస్టు నుంచి రాజశ్రీ ఉపాధ్యక్షుడిగా కొనసాగనున్నారు.
మార్కెటింగ్ హెడ్‌గా రాజశ్రీ స్థానంలో కె అభినవ్ కుమార్ నియమితులయ్యారు. కాగా, సీనియర్ మేనేజ్‌మెంట్‌లో హైదరాబాద్ అధినేత వి.రాజన్నతో పాటు శంకర్ నారాయణన్, అశోక్ పాయ్, రెగురామన్ అయ్యస్వామి, శివ గణేశన్‌లకు కూడా చోటు కల్పించారు. వీరంతా ఆగస్టు 1 నుంచి కొత్త బాధ్యతలు స్వీకరించనున్నారు.టీసీఎస్ సీనియర్ వైస్ ప్రెసిడెంట్ రాజన్న దాదాపు 30 ఏళ్లుగా కంపెనీలో పనిచేస్తున్నారు. హైదరాబాద్ రీజియన్ అధినేతగా ఇక్కడి కంపెనీ వ్యాపార వృద్ధిలో కీలక పాత్ర పోషించారు.
