-
సెమీస్లో వాండర్సోవా, పాప
-
పెగులా అవుట్
-
క్వార్టర్స్లో స్విటోలినా సంచలనం
లండన్: వింబుల్డన్ పెద్ద సంచలనం. టైటిల్ ఫేవరెట్, టాప్ సీడ్ స్విటెక్ క్వార్టర్స్ లోనే తలకిందులైంది. ఉక్రెయిన్ స్టార్, అన్ సీడెడ్ ఎలినా స్విటోలినా ప్రపంచ నంబర్ వన్ స్వియాటెక్ కు షాకిచ్చి సెమీఫైనల్ కు చేరుకుంది. నాలుగో సీడ్ జెస్సికా పెగులా కూడా ఓటమితో టోర్నీ నుంచి నిష్క్రమించింది. ఇటలీ ఆటగాడు జానిక్ సిన్నర్ ఫైనల్-4కు చేరుకున్నాడు. మంగళవారం జరిగిన మహిళల సింగిల్స్ క్వార్టర్స్లో ప్రపంచ నం.1 స్వియాటెక్ (పోలాండ్) 5-7, 7-6(5), 2-6తో స్విటోలినా చేతిలో ఓడిపోయింది. స్విటోలినా వింబుల్డన్ సెమీస్ చేరడం ఇది రెండోసారి. అంతకుముందు 2019లో సెమీస్కు చేరుకున్న ఆమె హలెప్ చేతిలో ఓడిపోయింది. కాగా, గత అక్టోబర్లో బిడ్డకు జన్మనిచ్చిన స్విటోలినా ఏప్రిల్లో మళ్లీ బరిలోకి దిగింది. ఫ్రెంచ్ ఓపెన్ లో రీఎంట్రీలో క్వార్టర్స్ చేరిన స్విటోలినా.. వైల్డ్ కార్డ్ ద్వారా వింబుల్డన్ లో అడుగుపెట్టి అద్భుత ప్రదర్శనతో అలరిస్తోంది. మరో మ్యాచ్లో అమెరికా నాలుగో సీడ్ జెస్సికా పెగులా 4-6, 6-2, 4-6తో మార్కెటా వాండర్సోవా (చెక్) చేతిలో ఓడి టోర్నీ నుంచి నిష్క్రమించింది. ఇక్కడ తొలిసారి సెమీస్ చేరిన వాండర్సోవా.. ఫైనల్లో చోటు కోసం స్విటోలినాతో తలపడనుంది. పురుషుల సింగిల్స్ క్వార్టర్స్లో 8వ సీడ్ జానిక్ సిన్నర్ (ఇటలీ) 6-4, 3-6, 6-2, 6-2తో రోమన్ సఫియులియన్పై గెలిచాడు. కాగా, ప్రీక్వార్టర్స్లో టాప్ సీడ్ కార్లోస్ అల్కరాజ్ 3-6, 6-3, 6-3, 6-3తో మాటియో బెరెట్టిని (ఇటలీ)పై, ఆరో సీడ్ హోల్గర్ రూన్ (డెన్మార్క్)పై 3-6, 7-6(6) , 7-6( 4), గ్రిగర్ డిమిత్రోమ్ (బల్గేరియా)ను 6-3తో ఓడించింది.
క్వార్టర్స్లో బోపన్న జోడీ..: పురుషుల డబుల్స్లో రోహన్ బోపన్న జోడీ క్వార్టర్స్కు చేరుకుంది. రౌండ్-16లో బోపన్న-మాథ్యూ ఎబ్డెన్ (ఆస్ట్రేలియా) జోడీ 7-5, 4-6, 7-6(5)తో నెదర్లాండ్స్-అమెరికన్ డేవిడ్ పెల్-రీస్ స్టాల్డర్ జంటపై గెలిచింది. కాగా, ఆహ్వాన డబుల్స్ రౌండ్ రాబిన్లో సానియా మీర్జా-జోహన్నా కొంటా (బ్రిటన్) జంట 6-3, 7-6(6)తో జర్మన్-స్లోవేకియా ద్వయం ఆండ్రియా పెట్కోవిచ్-రిబారికోవాపై గెలిచింది.
