‘RRR’తో తెలుగు సినిమాని ప్రపంచానికి పరిచయం చేసిన దర్శకుడు ఎస్ఎస్ రాజమౌళి. ఈ చిత్రంలో జూనియర్ ఎన్టీఆర్, రామ్ చరణ్ హీరోలుగా నటించారు. ఈ సినిమా ప్రపంచ వ్యాప్తంగా ఎన్నో రికార్డులు సృష్టించింది.
‘RRR’తో తెలుగు సినిమాని ప్రపంచానికి పరిచయం చేసిన దర్శకుడు ఎస్ఎస్ రాజమౌళి. ఈ చిత్రంలో జూనియర్ ఎన్టీఆర్, రామ్ చరణ్ హీరోలుగా నటించారు. ఈ సినిమా ప్రపంచ వ్యాప్తంగా ఎన్నో రికార్డులు సృష్టించింది. ప్రపంచ వ్యాప్తంగా బాక్సాఫీస్ వద్ద రూ.1200 కోట్లు వసూలు చేసింది. ఈ సినిమా హిందీ వెర్షన్ జూన్ 20 నుండి నెట్ఫ్లిక్స్లో ప్రసారం కానుంది. ఇది OTT ప్లాట్ఫారమ్లో అందుబాటులోకి వచ్చినప్పటి నుండి, విదేశీ ప్రేక్షకులు ఈ సినిమాపై ప్రశంసల వర్షం కురిపిస్తున్నారు. హాలీవుడ్కు చెందిన పలువురు ప్రముఖులు రాజమౌళిపై ప్రశంసలు కురిపించారు. దీంతో రాజమౌళి తదుపరి సినిమా కోసం ప్రేక్షకులు ఆసక్తిగా ఎదురుచూస్తున్నారు. విడుదలకు ముందే ఈ సినిమాపై భారీ బజ్ వచ్చింది. అయితే టాలీవుడ్ హీరో మహేష్ బాబుతో సినిమా చేస్తానని జక్కన్న గతంలో చెప్పాడు. ప్రపంచవ్యాప్తంగా తిరిగే సాహసికుల నేపథ్యంలో ఈ కథ సాగుతుందని ఆయన తెలిపారు. తాజాగా ఈ సినిమాకు సంబంధించిన ఓ వార్త ఫిలింనగర్లో చక్కర్లు కొడుతోంది. ఈ సినిమాలో కోలీవుడ్ హీరో నటిస్తాడని ప్రచారం జరుగుతోంది.
రాజమౌళి-మహేష్ బాబు సినిమాలో కోలీవుడ్ హీరో కార్తీ కీలక పాత్రలో నటించనున్నారు. కార్తీ కూడా ఆ పాత్రలో నటించేందుకు ఆసక్తి చూపుతున్నట్లు తెలుస్తోంది. ఆయనతో చిత్ర బృందం ఇంకా టచ్లోనే ఉన్నట్లు సమాచారం. అయితే ఈ విషయంపై కార్తీ కానీ, చిత్ర బృందం కానీ స్పందించలేదు. అదే విధంగా హీరోయిన్ పాత్ర కోసం దీపికా పదుకొణెతో మేకర్స్ చర్చలు జరుపుతున్నట్లు తెలుస్తోంది. మరి వీరిద్దరూ నటిస్తున్నారో లేదో తెలియాలంటే మరికొంత కాలం ఆగాల్సిందే. ప్రస్తుతం రాజమౌళి స్క్రిప్ట్ వర్క్ పూర్తి చేసే పనిలో ఉన్నాడు. ఈ చిత్రానికి విజయేంద్ర ప్రసాద్ కథ అందిస్తున్నారు. KL. నారాయణ నిర్మిస్తున్నారు. వచ్చే ఏడాది ఈ సినిమా షూటింగ్ ప్రారంభం అయ్యే అవకాశం ఉంది. మహేష్ బాబుతో చేస్తున్న ప్రాజెక్ట్ తన కెరీర్ లోనే బిగ్గెస్ట్ ప్రాజెక్ట్ అని కొద్ది రోజుల క్రితం రాజమౌళి చెప్పాడు.
నవీకరించబడిన తేదీ – 2022-10-18T02:01:56+05:30 IST
