స్టాఫ్ నర్స్ పరీక్ష: షూ, మెహందీ, టాటూలు వేసుకుంటే…!

బూట్లు వద్దు.. చెప్పులతో రావాలి

చేతులపై మెహందీ లేదా టాటూలు లేవు

ఒక్క నిమిషం ఆలస్యమైనా ప్రవేశం లేదు

2వ తేదీన స్టాఫ్ నర్స్ రాత పరీక్షకు రిక్రూట్‌మెంట్ బోర్డు సూచనలు

హైదరాబాద్ , జూలై 30 (ఆంధ్రజ్యోతి): ఆగస్ట్ 2న నిర్వహించనున్న స్టాఫ్ నర్స్ పరీక్షకు హాజరయ్యే అభ్యర్థులకు మెడికల్ రిక్రూట్ మెంట్ బోర్డు పలు సూచనలు జారీ చేసింది.చెప్పులతోనే రావాలని, షూలు ధరించరాదని, చేతులపై మెహందీ, టాటూలు వేయించుకోవద్దని సూచించింది. నిమిషం ఆలస్యమైనా, నిబంధనలకు విరుద్ధంగా ప్రవర్తించినా పరీక్షా కేంద్రంలోకి అనుమతించబోమని బోర్డు స్పష్టం చేసింది. ఈ మేరకు బోర్డు కార్యదర్శి గోపీకాంత్ రెడ్డి ఆదివారం మార్గదర్శకాలు జారీ చేశారు. ఇటీవల కురిసిన భారీ వర్షాల కారణంగా ఖమ్మంలోని పెదతండాలోని ప్రియదర్శిని ఇంజినీరింగ్ కళాశాల పరీక్షా కేంద్రాన్ని స్వర్ణభారతి ఇంజినీరింగ్ కళాశాల, ఖమ్మం ఇనిస్టిట్యూట్ ఆఫ్ టెక్నాలజీ (కిట్స్) కేంద్రాలకు తరలించినట్లు తెలిపారు. పరీక్షా కేంద్రాలు మారిన అభ్యర్థులు మళ్లీ హాల్ టిక్కెట్లను డౌన్‌లోడ్ చేసుకోవాలని సూచించారు.

రాష్ట్రవ్యాప్తంగా స్టాఫ్ నర్సుల పోస్టులకు 40,936 మంది దరఖాస్తు చేసుకున్నారు. 4 జిల్లాల్లో (హైదరాబాద్‌లో 24, ఖమ్మంలో 6, వరంగల్‌లో 8, నిజామాబాద్‌లో 2) 40 పరీక్షా కేంద్రాలను ఏర్పాటు చేశారు. స్టాఫ్ నర్స్ రాత పరీక్ష కంప్యూటర్ ఆధారితంగా ఉంటుంది. అభ్యర్థులు 80 నిమిషాల్లో పరీక్షను పూర్తి చేయాలి. సకాలంలో రాయకపోతే సెషన్ ఆటోమేటిక్‌గా ముగుస్తుందని బోర్డు ప్రకటించింది. పరీక్ష ఇంగ్లీష్ మీడియంలో ఉంటుందని, నెగెటివ్ మార్కులు ఉండవని పేర్కొంది. రాత పరీక్షను మూడు సెషన్లలో (ఉదయం 7.30, 11, మధ్యాహ్నం 2.30) నిర్వహిస్తారు. ప్రతి సెషన్ పరీక్షకు 15 నిమిషాల ముందు గేట్లు మూసివేయబడతాయి. అభ్యర్థులు గంటన్నర ముందే పరీక్షా కేంద్రానికి చేరుకోవాలని బోర్డు సూచించింది.

అభ్యర్థులకు బోర్డు సూచనలు..

  • ఒక్క నిమిషం ఆలస్యమైనా పరీక్షా కేంద్రంలోకి అనుమతించరు. అభ్యర్థులు తమ హాల్ టికెట్‌ను ఏ4 సైజు పేపర్‌పై ముద్రించి తీసుకురావాలి. హాల్‌టికెట్‌పై అభ్యర్థి ఫోటో, సంతకం ఉంటేనే చెల్లుబాటవుతుంది.

  • చెప్పులతో రండి. బూట్లు వేసుకుని రావద్దు.

  • పరీక్షా కేంద్రంలో అభ్యర్థుల బయోమెట్రిక్‌ తీసుకుంటారు. కాబట్టి మీ చేతులపై మెహందీ, టాటూలు వేసుకోకండి.

  • అభ్యర్థులు తప్పనిసరిగా ఆధార్, పాస్‌పోర్ట్, పాన్ కార్డ్, ఓటర్ ఐడి, డ్రైవింగ్ లైసెన్స్ వంటి గుర్తింపు కార్డులలో ఏదో ఒకదాన్ని తీసుకురావాలి.

  • అభ్యర్థులు హాల్ టికెట్‌తో పాటు బ్లూ, బ్లాక్ బాల్ పాయింట్ పెన్ను తీసుకురావాలి. మీరు వాటర్ బాటిల్ పొందవచ్చు.

నవీకరించబడిన తేదీ – 2023-07-31T13:05:25+05:30 IST

Leave a Reply

Your email address will not be published. Required fields are marked *