విశ్వక్ సేన్: గోదారోల్లం… తేడా వస్తే నవ్వుకుంటాం

విశ్వక్ సేన్ పదకొండో సినిమా టైటిల్ వచ్చేసింది. ‘గ్యాంగ్స్ ఆఫ్ గోదావరి’ని #GangsOfGodavari అంటారు. టైటిల్ ను బట్టి ఇది గోదావరి దగ్గర జరిగే కథ అని అర్థమవుతోంది. ఈ చిత్రానికి కృష్ణ చైతన్య దర్శకుడు కాగా, సూర్యదేవర నాగ వంశీ, సాయి సౌజన్య నిర్మాతలు. ఈరోజు ఈ సినిమా టైటిల్‌తో పాటు చిన్న టీజర్‌ను విడుదల చేశారు.

ఈ సినిమాలో విశ్వక్ సేన్ గోదావరి భాష, యాసలో మాట్లాడనున్నాడని కూడా అర్థమవుతోంది. గోదారోళ్లం… తేడా వస్తే నవ్వుతూ నరాలు లాగేస్తాం. ఇప్పటి వరకు విశ్వక్ సేన్ చేసిన సినిమాలన్నీ ఒక మెట్టు ఎక్కితే, ఈ సినిమా ఒక మెట్టు పైనే. ఎందుకంటే ఇందులో ఆయన గోదావరి యాసలో మాట్లాడాలి. తెలంగాణ యాస, భాష బాగా అలవాటైన విశ్వక్ సేన్ ఈ గోదావరి యాస మాట్లాడాలంటే కొంచెం శ్రమించాల్సిందే.

ఈ చిత్రానికి యువన్ శంకర్ రాజా సంగీతం సమకూరుస్తుండగా, నవీన్ నూలి ఎడిటింగ్ చేస్తున్నారు. ఈ సినిమాకు పేరున్న టెక్నీషియన్లు పనిచేస్తున్నారు. ఇందులో నాసర్, గోపరాజు రమణ, సాయి కుమార్ వంటి క్యారెక్టర్ ఆర్టిస్టులు కూడా ఉన్నారు. దర్శకుడు కృష్ణ చైతన్య గతంలో ‘రౌడీఫెలో’ #రౌడీఫెలో అనే పొలిటికల్ డ్రామా తీశాడు. ఇది చాలా ప్రశంసలు అందుకుంది. తర్వాత ‘ఛల్ మోహన్ రంగ’ నితిన్‌తో #ChalMohanRanga అనే సినిమా చేసాడు, కానీ ఆ సినిమా ఫర్వాలేదు మరియు పెద్దగా ఆడలేదు. దర్శకుడిగా ఈ ‘గ్యాంగ్స్ ఆఫ్ గోదావరి’ ఆయనకి మూడో సినిమా. ఈ సినిమాలో అంజలి ఓ ముఖ్యమైన పాత్రలో కనిపించనుందని తెలుస్తోంది.

నవీకరించబడిన తేదీ – 2023-07-31T10:49:24+05:30 IST