నేరాలు, అవినీతికి పాల్పడుతున్న ఇళ్లను యోగి ప్రభుత్వం బుల్డోజర్లతో కూల్చివేస్తున్న సంగతి తెలిసిందే. అయితే ఈ బుల్డోజర్ చర్యను కొందరు వ్యతిరేకిస్తున్నారు. ఒక్క వ్యక్తి చేసిన పాపానికి ఇంటిని మొత్తం కూల్చివేసి వారి కుటుంబ సభ్యులను రోడ్డున పడేయడం ఎంతవరకు సమంజసం?
యోగి ఆదిత్యనాథ్: అలాంటి వారి ఇళ్లను కూల్చవద్దు.
నేరాలు, అవినీతికి పాల్పడుతున్న ఇళ్లను యోగి ప్రభుత్వం బుల్డోజర్లతో కూల్చివేస్తున్న సంగతి తెలిసిందే. అయితే ఈ బుల్డోజర్ చర్యను కొందరు వ్యతిరేకిస్తున్నారు. ఒక్క వ్యక్తి చేసిన పాపానికి ఇంటిని మొత్తం కూల్చివేసి వారి కుటుంబ సభ్యులను రోడ్డున పడేయడం ఎంతవరకు సమంజసం? అనే ప్రశ్నలు తలెత్తుతున్నాయి. నేరాలు చేసిన నిందితులు, అక్రమాలకు పాల్పడిన అక్రమార్కులకు మాత్రమే శిక్ష పడాలి తప్ప ఇలా ఇళ్లను కూల్చివేయడం సరికాదని వాపోయారు.
అయితే, ఆ విమర్శలు, ప్రశ్నలను పట్టించుకోకుండా సీఎం యోగి ఆదిత్యనాథ్ ఈ బుల్డోజర్ చర్యను సమర్థించారు. రాష్ట్రాభివృద్ధికి ఎవరైనా అడ్డంకులు సృష్టిస్తే వారిపై చర్యలు తీసుకుంటామని తేల్చిచెప్పారు. రాష్ట్రం అభివృద్ధి చెందాలంటే బుల్డోజర్లు, ఆధునిక యంత్రాలు అవసరమన్నారు. ఉత్తరప్రదేశ్ లాంటి పెద్ద రాష్ట్రం శరవేగంగా అభివృద్ధి చెందాలంటే గడ్డపారలు, పలుగులు అవసరం లేదని అన్నారు. ఇంతకు ముందు ఏదైనా ప్రభుత్వ ప్రాజెక్టు మంజూరైతే అక్కడికి మాఫియా ముందుగానే చేరుకుని అక్రమాలకు పాల్పడుతుందని అన్నారు. వీరిపై అప్పటి ప్రభుత్వాలు ఎలాంటి చర్యలు తీసుకోలేకపోయాయని అన్నారు. కానీ.. తమ ప్రభుత్వ హయాంలో అవినీతికి తావులేకుండా ఉన్నామన్నారు.
మరి నేరస్తుల ఇళ్లను బుల్డోజర్లతో ఎందుకు కూల్చివేస్తున్నారు? అని ప్రశ్నించగా.. అలాంటి వారి ఇళ్లను కూల్చకూడదా, హారతి ఇవ్వాలా? అని మళ్ళీ అడిగాడు. గత ప్రభుత్వాలు ఆ మాఫియాకు వత్తాసు పలికాయని.. బుద్ధి రావాలంటే బుల్డోజర్లతో ఇళ్లను కూల్చివేయాల్సిందేనన్నారు. క్రిమినల్స్, మాఫియాలపై చర్యలు తీసుకోవాలని ఉత్తరప్రదేశ్ ప్రజలు కోరుకుంటున్నారని, అదే తాము చేస్తున్నామని యోగి అన్నారు. అదే సమయంలో కేవలం మైనారిటీలను మాత్రమే టార్గెట్ చేస్తున్నారనే ఆరోపణలను తోసిపుచ్చారు. తనకు అన్యాయం జరిగిందని అమాయక ముస్లింలెవరూ ఫిర్యాదు చేసిన దాఖలాలు లేవని అన్నారు. రాష్ట్రంలోని ప్రజలందరికీ సమానమైన పాలన, భద్రత ఉందన్నారు.
నవీకరించబడిన తేదీ – 2023-08-01T20:09:42+05:30 IST
