కేంద్ర హోంమంత్రి అమిత్ షా ఈ నెల 27న తెలంగాణలో పర్యటించనున్నారు. ఖమ్మంలో జరిగే బీజేపీ రైతు సభలో అమిత్ షా పాల్గొని ప్రసంగించనున్నారు.
అమిత్ షా
మంత్రి అమిత్ షా: కేంద్ర హోంమంత్రి అమిత్ షా ఈ నెల 27న తెలంగాణలో పర్యటించనున్నారు. ఖమ్మంలో జరిగే బీజేపీ రైతు సభలో అమిత్ షా పాల్గొని ప్రసంగించనున్నారు. అమిత్ షా పర్యటన గతంలో రెండుసార్లు ఖరారైనప్పటికీ అనివార్య కారణాలతో రద్దయింది. తాజాగా అమిత్ షా ఈ నెల 27న ఖమ్మం రానున్నారు. మరికొద్ది నెలల్లో తెలంగాణ రాష్ట్రంలో అసెంబ్లీ ఎన్నికలు జరగనున్న నేపథ్యంలో అమిత్ షా పర్యటన ప్రాధాన్యత సంతరించుకుంది. మరోవైపు బీజేపీ, బీఆర్ఎస్ పార్టీలు రెండూ ఒకటేనని కాంగ్రెస్ విస్తృతంగా ప్రచారం చేస్తోంది. ఈ నేపథ్యంలో ఖమ్మం బహిరంగ సభలో అమిత్ షా ప్రసంగంపై సర్వత్రా ఆసక్తి నెలకొంది.
ఖమ్మం పర్యటనలో భాగంగా అమిత్ షా ఆదివారం (ఆగస్టు 27) ఉదయం 11 గంటలకు ఢిల్లీ నుంచి ప్రత్యేక విమానంలో బయలుదేరనున్నారు. మధ్యాహ్నం 1.25 గంటలకు గన్నవరం విమానాశ్రయానికి చేరుకుంటారు. అక్కడి నుంచి బీఎస్ఎఫ్ (బోర్డర్ సెక్యూరిటీ ఫోర్స్) హెలికాప్టర్ 2.10 గంటలకు భద్రాచలం హెలిప్యాడ్కు చేరుకుంటుంది. మధ్యాహ్నం 2.55 నుంచి 2.40 గంటల వరకు భద్రాచలం ఆలయంలో సీతారాముల దర్శనం ఉంటుంది. భద్రాచలం నుంచి 2.55కి బయలుదేరిన హెలికాప్టర్ 3.30కి ఖమ్మంలోని హెలిప్యాడ్కు చేరుకుంటుంది. మధ్యాహ్నం 3.40 గంటలకు ఎస్ ఆర్ అండ్ బీజీఎన్ ఆర్ కళాశాల మైదానంలో ఏర్పాటు చేసిన బహిరంగ సభ వేదిక వద్దకు చేరుకుంటారు. 3.45 నుంచి 4.35 వరకు బహిరంగ సభలో అమిత్ షా పాల్గొన్నారు.
భూకంపం: మణుగూరులో భూకంపం.. భయాందోళనలో ప్రజలు
సాయంత్రం 4.40 నుంచి 5.30 గంటల వరకు పార్టీ నేతలతో ప్రత్యేకంగా సమావేశం కానున్నారు. సాయంత్రం 5.45 గంటలకు హెలికాప్టర్ ఖమ్మం నుంచి బయలుదేరి 6.20 గంటలకు విజయవాడలోని గన్నవరం విమానాశ్రయానికి చేరుకుంటుంది. అక్కడి నుంచి ప్రత్యేక విమానంలో ఢిల్లీకి వెళ్తారు.
