అనుభవం లేకుంటే… అంతే! | అనుభవం లేకుంటే… అంతే!

1566 కోట్ల సూర్యాపేట-ఖమ్మం హైవే కాంట్రాక్ట్ అదానీ కంపెనీకి

అర్హత లేదని నిర్ధారించారు

పవర్ సెక్టార్‌లో పనిచేస్తున్న కంపెనీకి రోడ్డు నిర్మాణ పనులు

కాగ్ నివేదిక వెల్లడించింది

‘భారతమాల పరియోజన’లో అక్రమాలు

బీజేపీకి విరాళాలు ఇచ్చిన కంపెనీలకు జాతీయ రహదారి కాంట్రాక్టులు

న్యూఢిల్లీ, ఆగస్టు 25: సూర్యాపేట-ఖమ్మం మధ్య నిర్మించిన నాలుగు లైన్ల జాతీయ రహదారి కాంట్రాక్టును రోడ్డు నిర్మాణంలో ఎలాంటి అనుభవం లేని అదానీ కంపెనీకి అప్పగించినట్లు కాగ్ (కంప్ట్రోలర్ అండ్ ఆడిటర్ జనరల్) తాజా నివేదిక వెల్లడించింది. అదానీ ట్రాన్స్‌పోర్ట్ నేతృత్వంలోని ‘సూర్యాపేట-ఖమ్మం రోడ్ ప్రైవేట్ లిమిటెడ్’ కన్సార్టియంకు 2019లో కాంట్రాక్టు లభించింది. కన్సార్టియంలో 74 శాతం వాటా కలిగిన అదానీ ట్రాన్స్‌పోర్ట్‌కు జాతీయ రహదారుల నిర్మాణంలో ఐదేళ్ల అనుభవం ఉండాలన్న నిబంధనను నెరవేర్చలేదు. సంస్థ సమర్పించిన పనుల జాబితా ప్రకారం గతంలో ఎన్నడూ ప్రత్యక్షంగానో, పరోక్షంగానో రోడ్డు నిర్మాణ పనుల్లో పాలుపంచుకోలేదు. అయితే, నేషనల్ హైవేస్ అథారిటీ ఆఫ్ ఇండియా (NHAI) ఎటువంటి కారణాలను పేర్కొనకుండా, కంపెనీని సాంకేతికంగా అర్హతను ప్రకటించింది. రూ.1566.30 కోట్ల విలువైన ఈ ప్రాజెక్టుకు 2019 మార్చిలో అనుమతి లభించింది’ అని కాగ్ వివరించింది. కాంట్రాక్ట్ ప్రక్రియలో కన్సార్టియంలోని ప్రధాన భాగస్వామి (అదానీ ట్రాన్స్‌పోర్ట్) మరో కంపెనీ నిర్మాణ అనుభవాన్ని ఎక్స్‌పీరియన్స్ సర్టిఫికెట్‌గా ప్రభుత్వానికి సమర్పించిందని కాగ్ పేర్కొంది. ‘ఇతర కంపెనీ’కి రోడ్ల నిర్మాణంలో పనిచేసిన అనుభవం లేదని, అయితే విద్యుత్ రంగంలో పనిచేస్తున్న సంస్థ అని పేర్కొన్నారు.

అంతేకాకుండా, ప్రధాన భాగస్వామికి కనీస నికర ఆస్తులు రూ.304.33 కోట్లు ఉన్నట్లు ధృవీకరిస్తూ థర్డ్ పార్టీ పేరిట చార్టర్డ్ అకౌంటెంట్ సర్టిఫికెట్ కూడా ఉందని కాగ్ వెల్లడించింది. న్యూస్‌లాండ్రీ వెబ్‌సైట్ ఈ వివరాలను తెలియజేసింది. కాగ్ వెల్లడించిన అంశాలపై అదానీ గ్రూప్ కంపెనీల ప్రతినిధిని న్యూస్‌లాండ్రీ సంప్రదించగా.. అదానీ గ్రూప్ కంపెనీల నిబంధనలు పాటించడం లేదన్న ఆరోపణలను తాము ఖండిస్తామని చెప్పారు. రోడ్డు నిర్మాణ రంగంలో అనుభవం దృష్ట్యా కన్సార్టియంలో ఉన్న మరో సంస్థకు అర్హత ఉందని, నికర ఆస్తుల పరంగా అదానీ ఎంటర్ ప్రైజెస్ ఆస్తులను పరిగణనలోకి తీసుకున్నామని చెప్పారు. సూర్యాపేట-ఖమ్మం నాలుగు లైన్ల జాతీయ రహదారిని ప్రభుత్వ, ప్రైవేట్ భాగస్వామ్యంతో నిర్మించారు. మొత్తం వ్యయంలో NHAI వాటా 40 శాతం కాగా, కన్సార్టియం వాటా 60 శాతం. అయితే, కన్సార్టియం 60 శాతంలో 20-25 శాతం మాత్రమే చెల్లించగా, మిగిలిన మొత్తాన్ని రుణాల ద్వారా సమీకరించింది. ఈ రహదారి నిర్మాణం పూర్తి కాగా ప్రస్తుతం వాహనాలు కూడా రాకపోకలు సాగిస్తున్నాయి. ఈ నేపథ్యంలో దీనిపై కాగ్ నివేదిక వెలువడడం సంచలనంగా మారింది.

తీవ్రమైన అవకతవకలు

‘భారతమాల పరియజన’ పేరుతో కేంద్ర ప్రభుత్వం మొదటి దశలో మంజూరు చేసిన జాతీయ రహదారుల ప్రాజెక్టులను కాగ్ తన నివేదికలో సమీక్షించింది. ఈ భారీ కాంట్రాక్టుల కేటాయింపులో తీవ్ర అవకతవకలు జరిగినట్లు గుర్తించింది. నిబంధనలకు విరుద్ధంగా సూర్యాపేట-ఖమ్మం హైవే కాంట్రాక్ట్‌ను అదానీకి అప్పగించారని, దేశవ్యాప్తంగా పలు రాష్ట్రాల్లో పనులు అప్పగించారని పేర్కొంది. బీజేపీ నేతకు చెందిన ఓ కంపెనీకి, బీజేపీకి విరాళాలు ఇచ్చిన నాలుగు కంపెనీలకు కాంట్రాక్టులు ఇచ్చారని కాగ్ వెల్లడించింది.

నవీకరించబడిన తేదీ – 2023-08-26T05:07:39+05:30 IST