మైసూరు: మైసూరు దసరా వేడుకలకు హంసలేఖ ముఖ్య అతిథిగా హాజరయ్యారు

ABN
మొదటి ప్రచురణ తేదీ – 2023-08-30T10:59:40+05:30 IST

ప్రపంచ ప్రఖ్యాతి గాంచిన మైసూర్ దసరా ఉత్సవాలను ప్రముఖ సంగీత దర్శకుడు హంసలేఖ ప్రారంభించనున్నారు.

మైసూరు: మైసూరు దసరా వేడుకలకు హంసలేఖ ముఖ్య అతిథిగా హాజరయ్యారు

– సీఎం సిద్ధరామయ్య ప్రకటించారు

బెంగళూరు, (ఆంధ్రజ్యోతి): ప్రపంచ ప్రఖ్యాతి గాంచిన మైసూర్ దసరా ఉత్సవాలను ప్రముఖ సంగీత దర్శకుడు హంసలేఖ ప్రారంభించనున్నారు. మంగళవారం మైసూరులోని రాచనగరిలో చాముండేశ్వరి అమ్మవారికి ప్రత్యేక పూజలు చేసిన అనంతరం ముఖ్యమంత్రి సిద్ధరామయ్య ఈ విషయాన్ని ప్రకటించారు. మైసూర్ దసరా వేడుకలకు ముఖ్య అతిథిగా హంసలేహను ఎంపిక చేసినట్లు వెల్లడించారు. అక్టోబర్ 15న ఉదయం 10.15-10.30 గంటల మధ్య శుభలగ్నంలో డా.హంసలేఖ చారిత్రాత్మక దసరా ఉత్సవాలను లాంఛనంగా ప్రారంభిస్తారు. మైసూరు దసరా వేడుకలకు ముఖ్య అతిథిని ఎంపిక చేసే బాధ్యతను మంత్రి మండలి తనకు అప్పగించిందని, సాహితీవేత్తలు, ప్రముఖులతో చర్చించి పిమ్మట హంసలేఖ పేరును ఖరారు చేసినట్లు సీఎం వివరించారు. మైసూర్ దసరా వేడుకలు అక్టోబర్ 15న ప్రారంభమై 10 రోజుల పాటు జరగనున్నాయి. విజయదశమి నాడు చాముండేశ్వరి అమ్మవారి జంబూసవారితో ఉత్సవాలు ముగుస్తాయని తెలిపారు. నవరాత్రి ఉత్సవాల్లో ఈసారి పలు ఆకర్షణీయమైన కార్యక్రమాలు నిర్వహిస్తున్నట్లు తెలిపారు. చారిత్రాత్మక దసరా ఉత్సవాల కోసం రాచనగరి మైసూర్‌ను దీపాలతో అలంకరించనున్నారు. ఉత్సవాల్లో లక్షలాది మంది ప్రజలు పాల్గొనే అవకాశం ఉన్నందున ఎలాంటి లోటుపాట్లు లేకుండా తగిన ఏర్పాట్లు చేయాలని జిల్లా యంత్రాంగానికి సూచించారు.

హంసలేఖ ఉల్లాసంగా ఉంది

అపూర్వమైన దసరా పండుగను ప్రారంభించే అవకాశం రావడం చెప్పలేని ఆనందాన్ని ఇచ్చిందని సంగీత దర్శకుడు డా.హంసలేఖ పేర్కొన్నారు. కళాకారుడిగా దసరా దీపం వెలిగించి ప్రజలందరి జీవితాల్లో సుఖ సంతోషాలు నింపాలని చాముండేశ్వరి దేవిని ప్రార్థిస్తానని తెలిపారు. తనను ముఖ్య అతిథిగా ఎంపిక చేసినందుకు ప్రభుత్వానికి కృతజ్ఞతలు తెలిపారు.

నవీకరించబడిన తేదీ – 2023-08-30T10:59:40+05:30 IST

Leave a Reply

Your email address will not be published. Required fields are marked *