టీడీపీ అధినేత చంద్రబాబును శనివారం తెల్లవారుజామున నంద్యాలలో సీఐడీ పోలీసులు అరెస్ట్ చేశారు. ఎలాంటి ప్రాథమిక ఆధారాలు లేకుండానే స్కిల్ డెవలప్ మెంట్ కేసులో చంద్రబాబును అరెస్ట్ చేస్తున్నట్టు నోటీసులు జారీ చేసిన పోలీసులు చంద్రబాబును అదుపులోకి తీసుకున్నారు. ఆ తర్వాత సీఐడీ చీఫ్ సంజయ్ మీడియాతో మాట్లాడుతూ.. ఓర్వకల్లు ఎయిర్ పోర్టుకు తీసుకెళ్లి అక్కడి నుంచి విజయవాడకు తీసుకెళ్లాలని భావించామని.. కానీ చంద్రబాబు అంగీకరించకపోవడంతో రోడ్డు మార్గంలో విజయవాడకు తీసుకెళ్తున్నామని చెప్పారు. పోలీసులు చంద్రబాబును నంద్యాల నుంచి విజయవాడకు రోడ్డు మార్గంలో 10 గంటలకు పైగా తీసుకెళ్లారు. అయితే చంద్రబాబుకు మద్దతుగా టీడీపీ అభిమానులు భారీగా రోడ్లపైకి వచ్చారు. తమ అభిమాన నేతకు సంఘీభావం తెలిపేందుకు ప్రయత్నించారు.
ఇది కూడా చదవండి: పవన్ కళ్యాణ్: ప్రత్యేక విమానంలో విజయవాడకు పవన్ కళ్యాణ్.. ఏపీ పోలీసులు అనుమతి ఇవ్వలేదు
దీంతో కొందరు టీడీపీ అభిమానులు చంద్రబాబును పోలీసులు తీసుకెళ్తున్న వీడియోలను సోషల్ మీడియాలో పోస్ట్ చేశారు.. దేవుడి జాతరలో ఊరేగిస్తున్నట్లుగా ఊరేగిస్తున్నారు.. ధన్యవాదాలు అంటూ పలువురు నెటిజన్లు వ్యాఖ్యానిస్తున్నారు. ఆయన శక్తి ఏమిటో, ప్రజలు ఆయనను ఎంతగా ప్రేమిస్తున్నారో ప్రపంచం మొత్తం చూసేలా చేసినందుకు వైసీపీ ప్రభుత్వానికి” కాగా, చంద్రబాబుకు మద్దతుగా రోడ్లపైకి వచ్చిన వారిపై పోలీసులు దౌర్జన్యం చేశారు. లాఠీచార్జి కారణంగా పలువురు నిరసనకారులు గాయపడ్డారు. త్వరలో చంద్రబాబును వైద్య పరీక్షల నిమిత్తం సీఐడీ పోలీసులు విజయవాడ ప్రభుత్వాసుపత్రికి తీసుకెళ్లనున్నారు. అనంతరం సీబీఐ కోర్టులో హాజరుపరచనున్నారు. ఇక చంద్రబాబు అరెస్టును ఏపీలోని విపక్షాలన్నీ ఖండించాయి. చంద్రబాబు అరెస్ట్ పై బీజేపీ, కాంగ్రెస్, జనసేన, సీపీఎం, సీపీఐ వంటి పార్టీల నేతలు ఆగ్రహం వ్యక్తం చేశారు. రాజకీయ కక్ష సాధింపుల కోసమే టీడీపీ అధినేత చంద్రబాబును అరెస్ట్ చేశారని జనసేన అధినేత పవన్ కల్యాణ్ స్పష్టం చేశారు. ఏపీ బీజేపీ అధ్యక్షురాలు పురందేశ్వరి కూడా చంద్రబాబును పోలీసులు విధివిధానాలు పాటించకుండా అరెస్ట్ చేయడాన్ని ఖండించారు.
