తన రీఎంట్రీ మ్యాచ్‌లో కేఎల్ రాహుల్ రన్ మెషీన్ విరాట్ కోహ్లీ రికార్డును సమం చేశాడు.
కేఎల్ రాహుల్-విరాట్ కోహ్లీ
భారత్ వర్సెస్ పాకిస్థాన్: రీఎంట్రీ మ్యాచ్‌లో కేఎల్ రాహుల్ రన్ మెషీన్ విరాట్ కోహ్లీ రికార్డును సమం చేశాడు. ఆసియా కప్ 2023లో భాగంగా కొలంబోలోని ప్రేమదాస స్టేడియంలో పాకిస్థాన్‌తో జరిగిన సూపర్-4 మ్యాచ్‌లో రాహుల్ ఈ గౌరవాన్ని అందుకున్నాడు. హారిస్ రవూఫ్ బౌలింగ్‌లో కేఎల్ రాహుల్ బౌండరీ బాదాడు. దీంతో అతని వ్యక్తిగత స్కోరు 14 పరుగులకు చేరింది. ఈ క్రమంలో రాహుల్ వన్డేల్లో 2000 పరుగుల మైలురాయిని చేరుకున్నాడు.
IND vs PAK : ఈరోజు మ్యాచ్ కుదరకపోతే ఏమవుతుంది..?
ఈ మైలురాయిని చేరుకోవడానికి రాహుల్‌కు 53 ఇన్నింగ్స్‌లు అవసరం కాగా, విరాట్ కోహ్లీ కూడా ఈ ఇన్నింగ్స్‌లో ఈ ఘనత సాధించాడు. భారత్ తరఫున అత్యంత వేగంగా 2000 పరుగులు చేసిన ఆటగాడిగా శిఖర్ ధావన్ రికార్డు సృష్టించాడు. ధావన్ 48 ఇన్నింగ్స్‌ల్లో ఈ ఫీట్ సాధించగా, నవజ్యోత్ సింగ్ సిద్ధూ (52), సౌరవ్ గంగూలీ (52) తర్వాతి స్థానాల్లో ఉన్నారు. వన్డేల్లో అత్యంత వేగంగా 2000 పరుగులు చేసిన రికార్డు దక్షిణాఫ్రికా ఆటగాడు హషీమ్ ఆమ్లా పేరిట ఉంది. ఆమ్లా 40 ఇన్నింగ్స్‌ల్లో 2000 పరుగులు చేశాడు.
ఇక మ్యాచ్ విషయానికి వస్తే… పాకిస్థాన్ టాస్ గెలిచి ఫీల్డింగ్ ఎంచుకుంది. దీంతో భారత్ తొలుత బ్యాటింగ్ చేస్తోంది. ఓపెనర్లు రోహిత్ శర్మ (56; 49 బంతుల్లో 6 ఫోర్లు, 4 సిక్స్ లు), శుభ్ మన్ గిల్ (58; 52 బంతుల్లో 10 ఫోర్లు) తొలి వికెట్ కు 121 పరుగులు జోడించి శుభారంభాన్ని అందించారు. అయితే.. ఇద్దరూ తక్కువ సమయంలోనే ఔట్ అయ్యారు. భారత ఇన్నింగ్స్‌లో 24.1 ఓవర్లు ముగిసే సరికి వరుణుడు అడ్డుపడ్డాడు. ప్రస్తుతం భారత్ స్కోరు 147/2. క్రీజులో కేఎల్ రాహుల్ (17), విరాట్ కోహ్లీ (8) ఉన్నారు.
