లోకేష్ కనగరాజ్ దర్శకత్వంలో రజనీకాంత్ 171వ సినిమా అధికారికంగా ప్రకటించబడింది.
జైలర్ సక్సెస్ తర్వాత రజనీకాంత్ సన్ పిక్చర్స్ ప్రొడక్షన్స్‌లో లోకేష్ కనగరాజ్ దర్శకత్వంలో తన 171 చిత్రాన్ని ప్రకటించారు.
తలైవర్ 171 చిత్రం : ప్రస్తుతం తమిళంలో సెన్సేషనల్ డైరెక్టర్ లోకేష్ కనగరాజ్. వరుసగా ఖైదీ, మాస్టర్, విక్రమ్ సినిమాలతో సూపర్ హిట్స్ కొట్టి ఇప్పుడు విజయ్ తో లియో సినిమా చేస్తున్నాడు. లోకేష్ కనగరాజ్ సినిమాలపై ప్రేక్షకుల్లో భారీ అంచనాలున్నాయి. సినిమాలన్నీ హిట్ అయ్యాయి, సీనియర్ హీరోలను కొత్త తరహాలో చూపించారు, ఒక సినిమాకి ఇంకో సినిమాకు లింక్ పెట్టి లోకేశ్ కనగరాజ్ సినిమా విశ్వం సృష్టించారు.. అలా తమిళంలోనే కాదు సౌత్ మొత్తం లోకేష్ సినిమాలకు ఫిదా అయిపోయింది.
లోకేష్ కనగరాజ్ దర్శకత్వంలో రజనీకాంత్ 171వ సినిమా అధికారికంగా ప్రకటించబడింది. లియో తర్వాత కమల్ హాసన్‌తో విక్రమ్ సీక్వెల్, కార్తీతో ఖైదీ సీక్వెల్ మరియు సూర్యతో రెండు చిత్రాలను లైన్లో పెట్టాడు లోకేష్. రజనీకాంత్ సినిమా ఉండొచ్చు కానీ చెప్పలేదు. ఒక్కసారిగా లోకేష్-రజినీ కాంబినేషన్ లో ఓ సినిమా అనౌన్స్ మెంట్ రావడంతో అందరూ ఆశ్చర్యంతో పాటు ఆనందంగా ఉన్నారు. రీసెంట్‌గా జైలర్‌తో భారీ హిట్ అందుకున్నాడు రజనీకాంత్. తమిళంలో అత్యధిక వసూళ్లు సాధించిన చిత్రంగా రికార్డు సృష్టించింది.
దాంతో లోకేష్-రజినీ కాంబోలో సినిమా అనౌన్స్ చేయగానే భారీ అంచనాలు ఏర్పడ్డాయి. ఇక ఈ చిత్రాన్ని రజనీతో జైలర్ తీసి హిట్ కొట్టిన సన్ పిక్చర్స్ నిర్మిస్తోంది. ఈ చిత్రానికి అనిరుధ్ సంగీతం అందించనున్నారు. అయితే ఈ సినిమా ప్రారంభం కావడానికి మరికొంత సమయం పడుతుందని సమాచారం. ప్రస్తుతం లోకేష్ లియో పనుల్లో ఉండగా, త్వరలో రజనీకాంత్ తన 170వ చిత్రాన్ని ప్రారంభించనున్నారు. మరి కమల్ హాసన్ కి విక్రమ్ లాంటి గ్రాండ్ కంబ్యాక్ మూవీని అందించిన లోకేష్ రజినీకాంత్ కి ఎలాంటి సినిమా ఇస్తాడో చూడాలి.
సూపర్‌స్టార్‌ని ప్రకటించినందుకు సంతోషంగా ఉంది @రజినీకాంత్యొక్క #తలైవర్171
రచన & దర్శకత్వం @Dir_Lokesh
ఒక @anirudhofficial సంగీతపరమైన
ద్వారా చర్య @అన్బరివ్ pic.twitter.com/fNGCUZq1xi
— సన్ పిక్చర్స్ (@sunpictures) సెప్టెంబర్ 11, 2023
