AP Politics: టీడీపీ చెప్పింది నిజమే.. ఏపీలో దొంగ ఓట్లపై ఈసీ సంచలన ప్రకటన

ఏపీలో చాలా రోజులుగా టీడీపీ నేతలు ఆరోపిస్తున్న మాట వాస్తవమేనని స్పష్టమవుతోంది. తాజాగా ఏపీలో దొంగ ఓట్ల వివరాలపై కేంద్ర ఎన్నికల సంఘం సంచలన ప్రకటన చేసింది. ఏపీలో 27 లక్షల దొంగ ఓట్లు ఉన్నాయని ఈసీ వెల్లడించింది. అంతే కాకుండా ఆధారాలతో సహా వివరాలను వెల్లడించింది. జీరో నంబర్లు, బోగస్ ఇంటి నంబర్లతో కలిపి 2,51,767 ఓట్లు ఉన్నట్లు కేంద్ర ఎన్నికల సంఘం లెక్క తేల్చింది. ఒకే డోర్ నంబర్‌లో 10 కంటే ఎక్కువ ఓట్లు ఉన్న ఇళ్లు దాదాపు 57,939 ఉన్నాయని ఈసీ అధికారులు వెల్లడించారు.

తాజాగా వైసీపీ రెబల్ ఎంపీ రఘురామకృష్ణంరాజు ఏపీలో దొంగ ఓట్ల వివరాలు ఇవ్వాలని ఎన్నికల కమిషన్‌కు లేఖ రాశారు. ఆయన లేఖపై స్పందించిన ఈసీ తాజాగా దొంగ ఓట్ల వివరాలను వెల్లడించింది. ఇదే డోర్ నంబర్ ఉన్న ఇళ్లలో 24 లక్షల 61 వేల 676 ఓట్లు ఉన్నాయని ఈసీ పేర్కొంది. దొంగ ఓట్లు భారీగా ఉన్నట్లు తేలినందున.. వాటి సేకరణకు ప్రత్యేక చర్యలు చేపట్టామని రఘురామకు పంపిన లేఖలో ఈసీ పేర్కొంది. ఇంకా 1 లక్షా 90 వేల 393 ఓట్లు సరిచేయాల్సి ఉందని తెలిపింది. అదేవిధంగా 1లక్ష 36వేల 592 ఇళ్లలో తనిఖీలు జరగాలని పేర్కొంది. ఈ వివరాలను కేంద్ర ఎన్నికల సంఘానికి పంపినట్లు సీఈవో వెల్లడించారు.

ఇది కూడా చదవండి: NCBN అరెస్ట్: టీడీపీ అధినేత చంద్రబాబు జైలు దృశ్యాలను లీక్ చేస్తున్నదెవరు?

ఇదిలా ఉంటే రాష్ట్రంలో త్వరలో ఎన్నికలు జరగనున్న నేపథ్యంలో పెద్ద ఎత్తున దొంగ ఓట్లు నమోదయ్యాయని టీడీపీ నేతలు ఆరోపిస్తున్నారు. వైసీపీ నేతలే దొంగ ఓట్లు సృష్టించారని ఆవేదన వ్యక్తం చేశారు. తిరుపతిలో జరిగిన ఉప ఎన్నికలలో ఈ విషయం స్పష్టమైందని పేర్కొన్నారు. అంతేకాదు రాష్ట్రంలో దొంగ ఓట్లపై ఎన్నికల కమిషన్ అధికారులకు ఫిర్యాదు చేశారు. ఈ మేరకు బూత్ లెవల్ అధికారులతో ఓటరు జాబితాను పరిశీలించారు. దీంతో దొంగ ఓట్ల ప్రాధాన్యాన్ని వెల్లడైంది. కొన్ని చోట్ల ఎన్నికల అధికారులు కూడా అధికారులపై చర్యలు తీసుకున్నారు. ఉరవకొండ నియోజకవర్గంలో 6 వేల ఓట్లు గల్లంతు అయ్యాయని టీడీపీ ఎమ్మెల్యే పయ్యావుల కేశవ్ కేంద్ర ఎన్నికల సంఘానికి ఫిర్యాదు చేయడంతో జిల్లా పరిషత్ సీఈవో భాస్కర్ రెడ్డిపై సస్పెన్షన్ వేటు పడింది.

నవీకరించబడిన తేదీ – 2023-09-12T18:10:16+05:30 IST