‘ఉయ్యాల జంపాలా’, మజ్ను వంటి రొమాంటిక్ లవ్ స్టోరీలతో తెలుగు ప్రేక్షకులను అలరించిన విరించి వర్మ.. ‘జితేందర్ రెడ్డి’ అనే డిఫరెంట్ జానర్ కథతో కాస్త డిఫరెంట్ రూట్‌లో దూసుకుపోతున్నాడు. తాజాగా ఈ సినిమా పోస్టర్‌ను విడుదల చేశారు.
‘జితేందర్ రెడ్డి’ టైటిల్… (జితేందర్ రెడ్డి)
అతని (చరిత్ర) కథ చెప్పాలి’’ అనే ట్యాగ్ లైన్ తో కూడిన పోస్టర్ సోషల్ మీడియాలో హల్ చల్ చేస్తోంది.
అసలు ప్రతి జితేందర్ రెడ్డి..
అతని చరిత్ర ఏమిటి? ఏం చెప్పాలి.. ఏం తెలుసుకోవాలి?
సర్వత్రా ఇదే చర్చ.
దీని వెనుక కథ ఏంటో తెలియాలంటే సినిమా చూడాల్సిందే అంటున్నారు దర్శకుడు విరించి వర్మ. ‘ఉయ్యాల జంపాలా’, మజ్ను వంటి రొమాంటిక్ లవ్ స్టోరీలతో తెలుగు ప్రేక్షకులను అలరించిన ఆయన ‘జితేందర్ రెడ్డి’ అనే డిఫరెంట్ జానర్ కథతో కాస్త డిఫరెంట్ రూట్‌లో నటిస్తున్నారు. తాజాగా ఈ సినిమా పోస్టర్‌ను విడుదల చేశారు. పోస్టర్‌లో ఒక నాయకుడు తన పక్కనే కూర్చొని చిన్న పాపతో ప్రజల కష్టాలను వింటున్నట్లు చూపబడింది. అయితే ఆ నాయకుడు ఎవరన్నది మాత్రం చూపించలేదు.. పాత్ర పేరు మాత్రం వెల్లడించలేదు. అయితే పోస్టర్ మాత్రం చాలా ఆసక్తికరంగా ఉంది. సినిమా టైటిల్ ప్రకారం పోస్టర్ లో బ్యాక్ గ్రౌండ్ ని నిశితంగా పరిశీలిస్తే… తెలంగాణలో జరిగిన ఓ యదార్థ సంఘటన నేపథ్యంలో సాగే యాక్షన్ డ్రామా అని తెలుస్తోంది. పోస్టర్ చూశాక.. ప్రేమకథా చిత్రాలతో పేరు తెచ్చుకున్న విరించి వర్మ ఈ తరహా కథలను ఎందుకు ఎంచుకున్నాడు? ఈ సినిమాలో ఏం చెప్పాలనుకుంటున్నారు అనే ఆసక్తి జనాల్లో నెలకొంది. అసలు విషయం ఏంటో తెలియాలంటే కొన్నాళ్లు ఆగాల్సిందే!
గతంలో ఓయూ నేత ‘జార్జ్ రెడ్డి’ కథతో తెరకెక్కిన చిత్రం విమర్శకుల ప్రశంసలు అందుకుంది. ‘జితేందర్ రెడ్డి’ కథ కూడా అంతగా ఆకట్టుకుంటుందా? అనే చర్చ మొదలైంది. పోస్టర్‌లో కనిపిస్తున్న నాయకుడెవరో వెల్లడించలేదు కానీ సాంకేతిక నిపుణులు మాత్రం మంచి గుర్తింపు తెచ్చుకున్నట్లు తెలుస్తోంది. వీఎస్ జ్ఞాన శేఖర్ కెమెరామెన్‌గా పనిచేస్తున్నారు. ఎన్నో సూపర్‌హిట్ చిత్రాలకు సంగీతం అందించిన మలయాళ సంగీత దర్శకుడు గోపీసుందర్ ఈ చిత్రానికి సంగీతం అందిస్తున్నారు. నాగేంద్రకుమార్ ఆర్ట్ డైరెక్టర్‌గా వ్యవహరిస్తున్నారు. ముదుగంటి క్రియేషన్స్ బ్యానర్‌పై ముదుగంటి రవీందర్ రెడ్డి ఈ చిత్రాన్ని నిర్మిస్తున్నారు.
నవీకరించబడిన తేదీ – 2023-09-12T15:15:23+05:30 IST
