నందమూరి బాలకృష్ణ ఓ వైపు రాజకీయ సమావేశాలు, మరో వైపు చేయాల్సిన సినిమాలపై దృష్టి సారిస్తున్నారు. ఇప్పుడు ‘భగవంత్ కేసరి’ సినిమా షూటింగ్లో బిజీగా ఉన్న ఆయన ఆ సినిమాని పూర్తి చేసే ఆలోచనలో ఉన్నట్టు తెలిసింది.
భగవంత్ కేసరి నుండి ఒక స్టిల్
నందమూరి బాలకృష్ణ, పవన్ కళ్యాణ్ ఇద్దరూ సినిమాల్లో బిజీగా ఉంటూనే రాజకీయాల్లోనూ అంతే బిజీగా ఉన్నారు. అయితే వీరిద్దరూ కొన్ని సినిమాల షూటింగ్ని పూర్తి చేయాలనుకుంటున్నారు. బాలకృష్ణ ‘భగవంత్ కేసరి’ సినిమా షూటింగ్ నాన్స్టాప్గా సాగుతుండగా, అనుకోకుండా ఆయన బావమరిది తెలుగుదేశం అధినేత చంద్రబాబు నాయుడు అక్రమంగా అరెస్ట్ చేయడంతో షూటింగ్ మధ్యలో ఆపేసి వెళ్లాల్సి వచ్చింది. అటువేపు.
చంద్రబాబు నాయుడును రాజమండ్రి జైలులో చేర్చిన ఆయన మళ్లీ పవన్ కళ్యాణ్తో కలిసి బయటకు వచ్చి ప్రెస్ మీట్లో పాల్గొన్నారు. ఆ తర్వాత పార్టీ నేతలతో కలసి అల్లుడు నారా లోకేష్ ను ప్రోత్సహించి మళ్లీ హైదరాబాద్ వచ్చారు. ఆయన ‘భగవంత్ కేసరి’ షూటింగ్లో బిజీగా ఉన్న సంగతి తెలిసిందే. అనిల్ రావిపూడి దర్శకత్వం వహిస్తుండగా, కాజల్ అగర్వాల్ కథానాయికగా నటిస్తుండగా, బాలకృష్ణ కూతురుగా శ్రీలీల కూడా నటిస్తోంది.
ఈ సినిమా రిలీజ్ డేట్ కూడా అక్టోబరు 19 అని అనౌన్స్ చేసారు.. ఆ డేట్ ని అందుకోవాలంటే బాలకృష్ణ నాన్ స్టాప్ గా షూట్ చేయాల్సి ఉంటుంది. అందుకే పార్టీ పనుల్లో బిజీగా ఉన్నా ఇక్కడికి వచ్చి ఆగకుండా షూట్ చేస్తున్న సంగతి తెలిసిందే. మరికొద్ది రోజుల్లో ఈ సినిమా షూటింగ్ పూర్తవుతుందని, ఆ తర్వాత బాలకృష్ణ కొన్ని రోజులు రాజకీయ పనులకే కేటాయించనున్నాడని తెలుస్తోంది. జనసేన పార్టీ అధ్యక్షుడు పవన్ కళ్యాణ్ పరిస్థితి కూడా అలాగే ఉంది. ఆయన ‘ఉస్తాద్ భగత్ సింగ్’ చిత్రాన్ని తెరకెక్కిస్తున్న సంగతి తెలిసిందే.
నవీకరించబడిన తేదీ – 2023-09-18T12:59:38+05:30 IST
