మహిళా రిజర్వేషన్ బిల్లు: బిల్లుకు మేం వ్యతిరేకం: ఒవైసీ

న్యూఢిల్లీ: చట్టసభల్లో మహిళలకు 33 శాతం రిజర్వేషన్లు కల్పించేందుకు ఉద్దేశించిన మహిళా రిజర్వేషన్ బిల్లును కేంద్రం మంగళవారం లోక్‌సభలో ప్రవేశపెట్టగా, దీనిపై చర్చ కూడా మొదలైంది. ‘నారీ శక్తి వందన్ అభియాన్’ పేరుతో ఈ బిల్లును కేంద్ర న్యాయశాఖ మంత్రి అర్జున్ రామ్ మేఘ్వాల్ లోక్‌సభలో ప్రవేశపెట్టారు. దీనిపై బుధవారం లోక్‌సభలో చర్చ జరగనుంది. ఈ బిల్లును 21న రాజ్యసభలో ప్రవేశపెట్టనున్నారు. కాగా, ఈ బిల్లును ఏఐఎంఐఎం అధినేత అసదుద్దీన్ ఒవైసీ వ్యతిరేకించారు. ముస్లిం మహిళలకు రిజర్వేషన్లు కల్పించని ఈ బిల్లుకు తాము వ్యతిరేకమని మీడియాతో అన్నారు.

ఎవరికి ప్రాతినిధ్యం వహించాలి.. ప్రాతినిధ్యం లేని వారికి ప్రాతినిధ్యం కల్పించడమే ప్రాతినిధ్యం.. ముస్లిం మహిళలకు రిజర్వేషన్లు లేకపోవడం ఈ బిల్లులోని ప్రధాన లోపం. అందుకే మేం (ఎంఐఎం) బిల్లును వ్యతిరేకిస్తున్నామని ఒవైసీ అన్నారు.

మహిళా కోటా 2029లో అమల్లోకి వస్తుంది.

కేంద్రం ప్రవేశపెట్టిన మహిళా రిజర్వేషన్ బిల్లు రాజ్యాంగ బిల్లు కావడంతో ఉభయ సభల ఆమోదం పొందాలంటే మూడింట రెండొంతుల మెజారిటీ అవసరం. అయితే, ఉభయ సభల ఆమోదం తర్వాత కూడా కోటా చట్టంలో అమలు కావాలంటే 2029లోనే సాధ్యమవుతుందని నిపుణులు చెబుతున్నారు.చట్టం ప్రకారం లోక్‌సభలో మూడింట ఒక వంతు సీట్లు మహిళలకే కేటాయించారు. . ఎస్సీ, ఎస్సీ రిజర్వ్‌డ్ సీట్లలో కూడా మహిళలకు మూడో వంతు రిజర్వేషన్ వర్తిస్తుంది. 128వ రాజ్యాంగ సవరణ తర్వాత 2027లో జనాభా లెక్కలు ప్రారంభమవుతాయని, ఆ తర్వాత నియోజకవర్గాల పునర్విభజన జరుగుతుందని, ఆ తర్వాత 2029 నుంచి బిల్లు అమల్లోకి వస్తుందని చెబుతున్నారు.

నవీకరించబడిన తేదీ – 2023-09-19T17:29:10+05:30 IST