ఓబీసీలకు కోటా కల్పించని మహిళా రిజర్వేషన్ బిల్లు అసంపూర్తిగా ఉందని కాంగ్రెస్ సీనియర్ నేత రాహుల్ గాంధీ అన్నారు. మోదీ ప్రభుత్వం బుధవారం లోక్‌సభలో మహిళలకు రిజర్వేషన్లను ప్రవేశపెట్టింది
న్యూఢిల్లీ, సెప్టెంబర్ 20: ఓబీసీలకు కోటా కల్పించని మహిళా రిజర్వేషన్ బిల్లు అసంపూర్తిగా ఉందని కాంగ్రెస్ సీనియర్ నేత రాహుల్ గాంధీ అన్నారు. బుధవారం లోక్‌సభలో మోదీ ప్రభుత్వం ప్రవేశపెట్టిన మహిళా రిజర్వేషన్ బిల్లుకు మద్దతు తెలిపిన రాహుల్.. దాన్ని తక్షణమే అమలు చేయాల్సిన అవసరం ఉందని అభిప్రాయపడ్డారు. కేంద్రంలోని వివిధ శాఖలకు చెందిన 90 మంది కార్యదర్శుల్లో ముగ్గురు మాత్రమే ఓబీసీలున్నారని వ్యాఖ్యానించారు. బడ్జెట్‌లో 5 మాత్రమే వారి ఆధీనంలో ఉంటుంది. ఇది వెనుకబడిన వర్గాలకు అవమానం. కుల గణన ఆవశ్యకతపై కూడా ఆయన స్వరం పెంచారు. దేశంలో దళితులు, ఆదివాసీలు, ఓబీసీలు ఎంతమంది ఉన్నారో తెలుసుకోవాల్సిన అవసరం ఉందని.. కుల గణనలే సమాధానమని స్పష్టం చేశారు. తక్షణమే కుల గణన చేసి డేటాను విడుదల చేయాలని డిమాండ్ చేశారు. లేని పక్షంలో తామే చేస్తామన్నారు. మన దేశంలో మహిళలకు అధికార బదలాయింపులో అతిపెద్ద అడుగు పంచాయితీ రాజ్ అని, ఆ వ్యవస్థలో కల్పించిన రిజర్వేషన్ల వల్ల మహిళలు పెద్ద ఎత్తున రాజకీయ వ్యవస్థలోకి ప్రవేశించారని పేర్కొన్నారు. తాజా బిల్లు ఆ దిశగా మరో ముందడుగు అని ఆయన అభివర్ణించారు.
“అయితే, నా దృష్టిలో, ఈ బిల్లు అసంపూర్తిగా మారడానికి ఒక అంశం ఉంది. ఈ బిల్లులో OBC రిజర్వేషన్లను కూడా చేర్చాలని నేను భావిస్తున్నాను” అని ఆయన అన్నారు. ఈ బిల్లును అమలు చేసేందుకు కొత్త జనాభా లెక్కలు, డీలిమిటేషన్ చేయకపోవడం విచిత్రంగా అనిపిస్తోందని వ్యాఖ్యానించారు. ఆ అవసరం లేదని.. లోక్ సభ, విధానసభల్లో భారతీయ మహిళలకు 33 రిజర్వేషన్లు కల్పిస్తూ ఈ బిల్లును వెంటనే అమలు చేయాలని డిమాండ్ చేశారు. గిరిజన తెగలకు ప్రాతినిధ్యం వహిస్తున్న మహిళ అయిన రాష్ట్రపతి ద్రౌపది ముర్ము కూడా పాత పార్లమెంటు నుంచి కొత్త పార్లమెంట్‌గా మారే కార్యక్రమంలో భాగమై ఉంటే బాగుండేదని వ్యాఖ్యానించారు. కులాల వారీగా జనాభా లెక్కల అంశం నుంచి ప్రజల దృష్టి మరల్చేందుకు ప్రభుత్వం ప్రయత్నిస్తోందన్నారు.
నవీకరించబడిన తేదీ – 2023-09-21T02:37:01+05:30 IST
