సెప్టెంబర్ 29న ఉప్పల్ స్టేడియంలో న్యూజిలాండ్, పాకిస్థాన్ జట్ల మధ్య వార్మప్ మ్యాచ్ జరగనుండగా.. ఇప్పుడు ఈ మ్యాచ్ నిర్వహణపై గందరగోళం నెలకొంది.
ఉప్పల్ స్టేడియం
వన్డే ప్రపంచకప్: అక్టోబర్ 5 నుంచి నవంబర్ 19 వరకు వన్డే ప్రపంచకప్ జరగనున్న సంగతి తెలిసిందే.. ఏదిఏమైనా.. హైదరాబాద్ నగరవాసులు నిరాశలో ఉన్నారు. టీమ్ ఇండియా ఆడే మ్యాచ్ లు ఏవీ భాగ్యనగరంలో జరగకపోవడమే ఇందుకు కారణం. బాధలో ఉన్న అభిమానులకు మరో షాక్ తగిలింది. సెప్టెంబర్ 29న ఉప్పల్ స్టేడియంలో న్యూజిలాండ్, పాకిస్థాన్ జట్ల మధ్య వార్మప్ మ్యాచ్ జరగనుండగా.. ఇప్పుడు ఈ మ్యాచ్ నిర్వహణపై గందరగోళం నెలకొంది. ఈ మ్యాచ్కు ప్రేక్షకులను అనుమతించరాదని హైదరాబాద్ క్రికెట్ అసోసియేషన్ (హెచ్సీఏ) నిర్ణయించింది.
ఈ మ్యాచ్కి ఒకరోజు ముందు అంటే సెప్టెంబర్ 28న గణేష్ నిమజ్జనం, మిలాద్ ఉన్ నబీ పండుగలు ఉంటాయి. మ్యాచ్కు భద్రత కల్పించలేమని హైదరాబాద్ పోలీసులు ఇప్పటికే హెచ్సీఏకి తెలిపారు. మ్యాచ్ తేదీని మార్చాలని సూచించారు. ఈ విషయాన్ని హెచ్సీఏ పెద్దలు బీసీసీఐ దృష్టికి తీసుకెళ్లారు. మేజర్ మ్యాచ్ కానందున తేదీని మార్చాల్సిన అవసరం లేదని బీసీసీఐ తెలిపింది. దీంతో ప్రేక్షకులు లేకుండా మ్యాచ్ను నిర్వహించాలని హెచ్సీఏ నిర్ణయించి బీసీసీఐకి సమాచారం అందించింది.
ఈ మేరకు బీసీసీఐకి సోమవారం లేఖ రాసింది. బీసీసీఐ నుంచి అధికారిక సమాచారం కోసం ఎదురుచూస్తున్నామని హెచ్సీఏ వ్యవహారాలను చూస్తున్న జస్టిస్ లావు నాగేశ్వరరావు పీఏ దుర్గాప్రసాద్ ఓ ప్రకటనలో తెలిపారు. వార్మప్ మ్యాచ్కి సంబంధించిన టిక్కెట్లు ఇప్పటికే ప్రేక్షకులకు అమ్ముడయ్యాయి. అభిమానులను మ్యాచ్కు అనుమతించకపోతే, టిక్కెట్ డబ్బు తిరిగి ఇవ్వబడుతుంది.
మూడు ప్రపంచకప్ మ్యాచ్లు
ఉప్పల్ మూడు వన్డే ప్రపంచకప్ మ్యాచ్లకు ఆతిథ్యం ఇవ్వనుంది. అక్టోబర్ 6న పాకిస్థాన్, నెదర్లాండ్స్, 9న న్యూజిలాండ్, నెదర్లాండ్స్, 10న పాకిస్థాన్, శ్రీలంక మధ్య మ్యాచ్లకు ఉప్పల్ స్టేడియం వేదిక కానుంది.
ఉప్పల్ స్టేడియంను అందంగా తీర్చిదిద్దారు
ప్రపంచకప్ మ్యాచ్ల కోసం ఉప్పల్ స్టేడియం ఆధునీకరిస్తోంది. స్టేడియం సౌకర్యాలు, అభివృద్ధికి బీసీసీఐ ఇప్పటికే 110 కోట్లు కేటాయించింది. పనులు వేగంగా జరుగుతున్నాయి. కొత్త ఫ్లడ్ లైట్లు, ప్రేక్షకుల సీటింగ్, కొత్త రూఫ్ టాప్స్, పెయింటింగ్స్, అన్ని చోట్లా సీసీ కెమెరాలు, ప్రేక్షకుల సౌకర్యార్థం మరో రెండు లిఫ్టులు ఏర్పాటు చేశారు. జస్టిస్ లావు నాగేశ్వరరావు ఆధ్వర్యంలో స్టేడియం అభివృద్ధి పనులు జరుగుతున్నాయి.
ఆసియా క్రీడలు 2023: షఫాలీ వర్మ చరిత్ర సృష్టించారు… భారత్ సెమీస్కు చేరుకుంది
