సాయి ధరమ్ తేజ్ మామ పవన్ కళ్యాణ్ తో ‘బ్రో’ #బ్రో సినిమా చేసి విశ్రాంతి తీసుకుంటున్నాడు. తర్వాత సంపత్ నంది సినిమా చేయాల్సి ఉండగా ఈ సినిమా కోసం సాయితేజ్ బరువు తగ్గాలని భావించడంతో షూటింగ్ వెంటనే ప్రారంభం కాలేదు. ‘బ్రో’ సక్సెస్‌తో సాయి ధరమ్ తేజ్ తన మామ పవన్ కళ్యాణ్‌తో కలిసి నటించి మంచి పేరు తెచ్చుకున్నాడు. బైక్ యాక్సిడెంట్ తర్వాత ‘విరూపాక్ష’ #విరూపాక్ష, ఆ తర్వాత ‘బ్రో’ రెండు సినిమాలు సాయితేజ్‌కి మంచి విజయాన్ని అందించి కెరీర్ గ్రాఫ్‌ను పైకి తీసుకెళ్లాయని చెప్పాలి.
అక్టోబర్ 15న సాయి ధరమ్ తేజ్ పుట్టినరోజు. కాబట్టి సంపత్ నందితో సినిమా ఫస్ట్ లుక్ మరియు టైటిల్ విడుదలయ్యే అవకాశం ఉంది. సాయిధరమ్ తేజ్ ఫుల్ మాస్‌లో ఉంటాడని, ఇది పూర్తిగా కమర్షియల్ సినిమా అని ఈరోజు సినిమా గురించిన ప్రకటన తెలియజేస్తోంది. ఈ చిత్రాన్ని సితార ఎంటర్‌టైన్‌మెంట్స్ నిర్మిస్తోంది. త్రివిక్రమ్ శ్రీనివాస్ భార్య సాయి సౌజన్య కూడా నిర్మాత.
ఈ సినిమాలో సాయి ధరమ్ తేజ్ సరసన పూజా హెగ్డే హీరోయిన్ గా నటిస్తుంది. ఇప్పుడు మెగా నటులందరి పక్కన నటిస్తోంది. ఇంతకుముందు ఆమె అల్లు అర్జున్‌తో ‘దువ్వాడ జగన్నాథం’ మరియు ‘అల వైకుంఠపురంలో’ #అలవైకుంఠపురంలో రెండు సినిమాలు చేసింది. వరుణ్ తేజ్ తో ‘గద్దలకొండ గణేష్’, రామ్ చరణ్, చిరంజీవి నటించిన ‘ఆచార్య’ చిత్రాల్లో పూజా హెగ్డే నటించింది. ఇప్పుడు సాయిధరమ్ తేజ్‌కి జోడీగా పూజా హెగ్డే ‘గంజాశంకర్’ #GanjaShankar చిత్రంలో నటిస్తోంది. అలా మెగా ఫ్యామిలీకి చెందిన నటీనటులతో కలిసి నటించి గౌరవం సంపాదించుకుంది పూజా.
ఇదిలా ఉంటే గంజా శంకర్ పాత్ర కోసం సాయి ధరమ్ తేజ్ బరువు తగ్గే ప్రయత్నంలో ఉన్నందున ఈ సినిమా షూటింగ్ ఇప్పట్లో ప్రారంభం కానుందని సమాచారం. ఎందుకంటే సాయి ధరమ్ తేజ్ సరైన షేప్ రావడానికి మరో రెండు మూడు నెలలు పట్టే అవకాశం ఉందని, సంక్రాంతి పండుగ తర్వాత ఈ సినిమా షూటింగ్ ప్రారంభం కానుందని తెలుస్తుంది.
నవీకరించబడిన తేదీ – 2023-10-14T12:24:47+05:30 IST
