దయా: జేడీ చక్రవర్తి చిత్రానికి ఉత్తమ నటుడు అవార్డు

జెడి చక్రవర్తి తన విలక్షణ నటనతో తనకంటూ ప్రత్యేక గుర్తింపు తెచ్చుకున్నారు. కొంత గ్యాప్ తర్వాత నటుడిగా మళ్లీ బిజీ అవుతున్నాడు. వెండితెర, OTT వంటి అన్ని రకాల మాధ్యమాల్లో కొత్త కంటెంట్‌ని పొందుతున్నారు. కొత్త కథలు, విభిన్నమైన పాత్రలు ఆయనకు వస్తున్నాయి. JD చక్రవర్తి ఇటీవల ‘దయా’ అనే వెబ్ సిరీస్‌లో నటించారు. అందులో తన నటనతో అందరినీ ఆకట్టుకున్నాడు. అందులో తన నటనకు గానూ ఇటీవలే ఉత్తమ నటుడి అవార్డు అందుకున్నాడు.

OTT Play అనే సంస్థ దేశవ్యాప్తంగా ఉన్న OTT కంటెంట్‌లో ఉత్తమమైన వాటిని ఎంపిక చేసి అవార్డులతో సత్కరించింది. ఓటీటీలో విడుదలైన వెబ్ సిరీస్‌కి కూడా ఈ అవార్డుల్లో చోటు దక్కింది. ఈ అవార్డుల్లో భాగంగా ‘దయా’ అనే వెబ్ సిరీస్ కు రెండు అవార్డులు వచ్చాయి. ఉత్తమ దర్శకుడు, ఉత్తమ నటుడు విభాగాల్లో దయా అవార్డులు అందుకున్నారు. దర్శకుడు పవన్ సాధినేని, హీరో జెడి చక్రవర్తి ఈ అవార్డులను అందుకున్నారు.

జేడీ చక్రవర్తికి ఇలాంటి అవార్డులు రావడం కొత్త కాదు. నైజీరియాలో జరిగిన ప్రతిష్టాత్మక ఎకో ఇంటర్నేషనల్ ఫిల్మ్ ఫెస్టివల్‌లో ‘దహిని ది విచ్’ చిత్రానికి గానూ ఉత్తమ నటుడి అవార్డును గెలుచుకున్నాడు. ఇక ‘దయా’ వెబ్ సిరీస్ విషయానికి వస్తే ఆద్యంతం ఉత్కంఠ రేపుతోంది. జెడి చక్రవర్తి పాత్ర, ఆ పాత్రను చూపించిన విధానం, అందులో ఇచ్చిన ట్విస్ట్‌లు ప్రేక్షకులను కట్టిపడేశాయి.

నవీకరించబడిన తేదీ – 2023-11-03T07:42:00+05:30 IST