అమెరికా దాడులు: సిరియాలో అమెరికా దాడులు.. 9 మంది మృతి.. దాడులకు కారణమేంటి..?

తూర్పు సిరియాలో ఇరాన్‌కు మద్దతు ఇస్తున్న సాయుధ బలగాలపై అమెరికా యుద్ధ విమానాలు బుధవారం దాడి చేశాయి. సిరియాపై అమెరికా యుద్ధ విమానాలు దాడి చేయడం వారం వ్యవధిలో ఇది రెండోసారి. ఈ విషయాన్ని అమెరికా రక్షణ మంత్రి లాయిడ్‌ ఆస్టిన్‌ తెలిపారు. అయితే ఈ దాడుల్లో 9 మంది మృతి చెందినట్లు సిరియా మానవ హక్కుల పరిశీలన సంస్థ అధిపతి రమీ అబ్దెల్ రెహమాన్ వెల్లడించారు. ఇరాన్ మద్దతు ఉన్న సాయుధ దళాలు ఇటీవల ఇరాక్ మరియు సిరియాలోని US సైనిక స్థావరాలపై దాడి చేశాయి. రోజుల వ్యవధిలో ఏకకాలంలో 12 దాడులు జరిగాయి. ఈ దాడులకు ప్రతీకారంగా ఇరాన్ బలగాలపై అమెరికా దాడి చేసింది. కాగా, ఇజ్రాయెల్, హమాస్ మధ్య నెలకొన్న ఉద్రిక్తత ప్రాంతీయ యుద్ధంగా మారకుండా అడ్డుకునేందుకు అమెరికా ప్రయత్నిస్తోంది. ఈ క్రమంలోనే ఇరాన్ మద్దతిస్తోందని అమెరికా అడ్డుకునే ప్రయత్నం చేస్తోంది.

ఈ దాడులకు ఇజ్రాయెల్-హమాస్ యుద్ధానికి ఎలాంటి సంబంధం లేదని అమెరికా రక్షణ మంత్రి లాయిడ్ ఈస్టిన్ తెలిపారు. అయితే పశ్చిమాసియాలో అమెరికా బలగాలపై దాడులు చేస్తే సహించబోమని అమెరికా ఈ దాడులు చేసిందని అన్నారు. అమెరికాపై దాడుల వెనుక ఇరాన్ హస్తం ఉందని ఆరోపించారు. ఇరాన్ యొక్క ఇస్లామిక్ రివల్యూషనరీ గార్డ్ కార్ప్స్ మరియు దాని అనుబంధ సంస్థలు ఉపయోగించే తూర్పు సిరియాలోని ఒక సదుపాయంపై తాము ఆత్మరక్షణ దాడి చేసినట్లు US మిలిటరీ తెలిపింది. రెండు US F-15 విమానాలు దాడులు చేశాయని ఆస్టిన్ ఒక ప్రకటనలో తెలిపారు. ఇదిలా ఉండగా, ఇస్లామిక్ స్టేట్ గ్రూపులను నిరోధించే ప్రయత్నాల్లో భాగంగా ఇరాక్‌లో దాదాపు 2,500 మంది అమెరికన్ సైనికులు, సిరియాలో 900 మంది సైనికులు ఉన్నారు. వారిపై ఇటీవల ఇరాన్ దాడి చేసింది. దీనికి ప్రతిగా అమెరికా ఈ దాడులు చేసింది. అయితే ఈ దాడులతో అమెరికా, ఇరాన్ మధ్య ఉద్రిక్త వాతావరణం నెలకొంది. ఇప్పటికే పశ్చిమాసియాలో హమాస్-ఇజ్రాయెల్ యుద్ధం కొనసాగుతున్న సంగతి తెలిసిందే. ఇటీవల అమెరికా, ఇరాన్‌ల మధ్య దాడులు, ఎదురుదాడులు జరుగుతున్నాయి, పశ్చిమాసియాలో తీవ్ర ఉద్రిక్త పరిస్థితులు నెలకొన్నాయి. ఇప్పటికే ఇజ్రాయెల్-హమాస్ యుద్ధంలో ఇరువైపులా భారీ ప్రాణనష్టం జరిగింది. ఒక్క గాజాలోనే 10,500 మంది చనిపోయారు. మృతుల్లో మహిళలు, చిన్నారుల సంఖ్య ఆందోళనకరంగా ఉంది.

నవీకరించబడిన తేదీ – 2023-11-09T11:13:22+05:30 IST