ODI ప్రపంచ కప్ 2023: అహ్మదాబాద్ వేదికగా దక్షిణాఫ్రికాతో జరుగుతున్న మ్యాచ్‌లో ఆఫ్ఘనిస్తాన్ టాస్ గెలిచి బ్యాటింగ్ ఎంచుకుని, నిర్ణీత 50 ఓవర్లలో 244 పరుగులకు ఆలౌటైంది. ఒకానొక దశలో 116 పరుగులకే ఆరు వికెట్లు కోల్పోయి కష్టాల్లో పడిన ఆఫ్ఘనిస్థాన్ కు అజ్మతుల్లా ఒమర్జాయ్ అండగా నిలిచాడు. 107 బంతుల్లో 7 ఫోర్లు, 3 సిక్సర్లతో 97 పరుగులు చేసి చివరకు నాటౌట్‌గా నిలిచాడు.
వన్డే ప్రపంచకప్‌లో లీగ్ దశలోని టైటిల్ మ్యాచ్‌లోనూ ఆఫ్ఘనిస్థాన్ అద్భుతంగా రాణించింది. అహ్మదాబాద్ వేదికగా దక్షిణాఫ్రికాతో జరుగుతున్న మ్యాచ్‌లో టాస్ గెలిచి బ్యాటింగ్ ఎంచుకున్న ఆఫ్ఘనిస్థాన్ నిర్ణీత 50 ఓవర్లలో 244 పరుగులకు ఆలౌటైంది. ఒకానొక దశలో 116 పరుగులకే ఆరు వికెట్లు కోల్పోయి కష్టాల్లో పడిన ఆఫ్ఘనిస్థాన్ కు అజ్మతుల్లా ఒమర్జాయ్ అండగా నిలిచాడు. 107 బంతుల్లో 7 ఫోర్లు, 3 సిక్సర్లతో 97 పరుగులు చేసి చివరకు నాటౌట్‌గా నిలిచాడు. ఓవర్లు ముగియడంతో తృటిలో సెంచరీని కోల్పోయాడు. ఈ మెగా టోర్నీలో నిలకడగా ఆడుతున్న రహ్మత్ షా (26), కెప్టెన్ హష్మతుల్లా షాహిదీ (2) వైఫల్యం అఫ్గానిస్థాన్‌ను కష్టాల్లో పడింది. దీంతో ఆ జట్టు ఇన్నింగ్స్ నెమ్మదిగా సాగింది. కానీ అజ్మతుల్లాకు రషీద్ ఖాన్ మరియు నూర్ అహ్మద్ సహకరించడంతో ఆఫ్ఘనిస్తాన్ 50 ఓవర్లు ఆడగలిగారు.
కీలకమైన సెమీఫైనల్‌కు ముందు ఇది నామమాత్రపు మ్యాచ్‌ కాగా, దక్షిణాఫ్రికా ఇద్దరు కీలక ఆటగాళ్లకు విశ్రాంతినిచ్చింది. ఫెలుక్వాయో స్థానంలో ఆల్ రౌండర్ మార్కో జాన్సన్ తుది జట్టులోకి వచ్చాడు. మరోవైపు, శాంసీ స్థానంలో గెరాల్డ్ కోయెట్జీ ఎంపికయ్యారు. దక్షిణాఫ్రికా బౌలర్లలో గెరాల్డ్ కోయెట్జీ నాలుగు వికెట్లతో రాణించాడు. లుంగీ ఎంగిడి 2 వికెట్లు, కేశవ్ మహరాజ్ 2 వికెట్లు తీశారు. ఫెలుక్వాయో ఒక వికెట్ తీశాడు. ఈ మ్యాచ్‌లో దక్షిణాఫ్రికా గెలిచినా, ఓడినా పాయింట్ల పట్టికలో తేడా లేదు. ఇప్పటికే సెమీస్ బెర్త్ ఖాయం చేసుకున్న టీమిండియా ఈ నెల 16న అహ్మదాబాద్ వేదికగా ఆస్ట్రేలియాతో తలపడనుంది. అయితే ఆఫ్ఘనిస్థాన్ గెలిస్తే పాయింట్ల పట్టికలో ఐదో స్థానానికి ఎగబాకుతుంది. భారీ తేడాతో గెలిచినా ఆ జట్టు సెమీస్‌కు చేరే అవకాశం లేదు. నెట్ రన్ రేట్ మైనస్‌లలో ఉండడంతో ఆ జట్టు సెమీస్‌కు దూరమైంది.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – 2023-11-10T18:28:31+05:30 IST
