IPL 2024: అనుకున్నదే జరిగింది.. గుజరాత్ టైటాన్స్ కొత్త కెప్టెన్ అతనే..!!

ABN
మొదటి ప్రచురణ తేదీ – 2023-11-27T16:12:25+05:30 IST

శుభ్‌మన్ గిల్: గుజరాత్ టైటాన్స్ రెగ్యులర్ కెప్టెన్ హార్దిక్ పాండ్యా ముంబై ఇండియన్స్‌కు మారడంతో యువ ఆటగాడు శుభ్‌మన్ గిల్‌ను కొత్త కెప్టెన్‌గా నియమించినట్లు గుజరాత్ టైటాన్స్ అధికారికంగా ప్రకటించింది. గుజరాత్ రెగ్యులర్ కెప్టెన్ హార్దిక్ పాండ్యాను ముంబై ఇండియన్స్ భారీ ధరకు కొనుగోలు చేసింది.

IPL 2024: అనుకున్నదే జరిగింది.. గుజరాత్ టైటాన్స్ కొత్త కెప్టెన్ అతనే..!!

గత కొన్ని రోజులుగా సోషల్ మీడియాలో జరుగుతున్న ప్రచారం నిజమైంది. రెగ్యులర్ కెప్టెన్ హార్దిక్ పాండ్యా ముంబై ఇండియన్స్‌కి మారడంతో కొత్త కెప్టెన్‌గా యువ ఆటగాడు శుభ్‌మన్ గిల్ నియమితులైనట్లు గుజరాత్ టైటాన్స్ అధికారికంగా ప్రకటించింది. డిసెంబర్ 19 వేలం సందర్భంగా నవంబర్ 26న రిటెన్షన్ ప్రక్రియ ముగిసింది. ఈ సందర్భంగా అన్ని జట్లు అట్టిపెట్టుకున్న ఆటగాళ్ల జాబితాలను ప్రకటించాయి. అయితే చివరి నిమిషంలో భారీ ట్విస్ట్ చోటుచేసుకుంది. గుజరాత్ కెప్టెన్ హార్దిక్ పాండ్యాను ముంబై ఇండియన్స్ భారీ ధరకు తీసుకుంది. ఈ విషయం తెలుసుకున్న పాండ్యా తన సొంత జట్టులోకి తిరిగి వచ్చిన అనుభూతిని పొందుతున్నాడని అభిప్రాయపడ్డాడు.

కాగా, వన్డే ప్రపంచకప్‌లో టీమిండియా ఓపెనర్‌గా రాణించిన శుభ్‌మన్ గిల్ ఈ ఏడాది అత్యుత్తమ ఫామ్‌లో ఉన్నాడు. ఐపీఎల్ 16వ సీజన్‌లోనూ అతను సెంచరీల మీద సెంచరీలు చేశాడు. అతను 17 ఇన్నింగ్స్‌లలో 59.33 సగటుతో మరియు 157.80 స్ట్రైక్ రేట్‌తో 890 పరుగులు చేసి లీగ్‌లో అత్యధిక రన్ స్కోరర్‌గా నిలిచాడు. 2022లో గుజరాత్ టైటాన్స్ ఐపీఎల్ ట్రోఫీని గెలుచుకున్నప్పుడు కూడా గిల్ కీలక ఇన్నింగ్స్ ఆడాడు.కానీ పాండ్యా ట్రేడింగ్ తర్వాత గిల్‌కి కెప్టెన్ ఛాన్స్ దక్కడం గొప్ప విషయమని క్రికెట్ విశ్లేషకులు అభిప్రాయపడుతున్నారు. ఎందుకంటే విలియమ్సన్, రషీద్ ఖాన్, షమీ, డేవిడ్ మిల్లర్ వంటి సీనియర్ ఆటగాళ్లకు బదులుగా గిల్‌కి కెప్టెన్సీ అప్పగించడం గుజరాత్ టైటాన్స్ తీసుకున్న దూకుడు నిర్ణయమని అందరూ అభిప్రాయపడుతున్నారు. మరి గిల్ ఫామ్ పై కెప్టెన్సీ భారం పడుతుందా.. లేక పాండ్యాలా రాణిస్తాడా అనేది వచ్చే సీజన్ లోనే తేలిపోతుంది.

మరింత క్రీడా వార్తలు కోసం ఇక్కడ క్లిక్ చేయండి

నవీకరించబడిన తేదీ – 2023-11-27T16:13:20+05:30 IST

Leave a Reply

Your email address will not be published. Required fields are marked *