రాజస్థాన్‌లో సంచలనం సృష్టించిన రాష్ట్రీయ రాజ్‌పుత్ కర్ణి సేన అధినేత సుఖ్‌దేవ్ సింగ్ గోగామెడి హత్య కేసులో ముగ్గురు కీలక నిందితులను పోలీసులు అరెస్ట్ చేశారు. ఢిల్లీ క్రైం బ్రాంచ్ పోలీసులు, రాజస్థాన్ పోలీసులు సంయుక్తంగా చేపట్టిన ఆపరేషన్‌లో ప్రధాన నిందితులను చండీగఢ్‌లో అరెస్టు చేసినట్లు ఢిల్లీ పోలీసులు తెలిపారు.
న్యూఢిల్లీ: రాజస్థాన్‌లో సంచలనం సృష్టించిన రాష్ట్రీయ రాజ్‌పుత్ కర్ణి సేన అధినేత సుఖ్‌దేవ్ సింగ్ గోగమేడి హత్య కేసులో ముగ్గురు కీలక నిందితులను పోలీసులు అరెస్ట్ చేశారు. ఢిల్లీ క్రైం బ్రాంచ్ పోలీసులు, రాజస్థాన్ పోలీసులు సంయుక్తంగా చేపట్టిన ఆపరేషన్‌లో ప్రధాన నిందితులను చండీగఢ్‌లో అరెస్టు చేసినట్లు ఢిల్లీ పోలీసులు తెలిపారు. హత్య ఘటనలో పాల్గొన్న ఇద్దరు షూటర్లు రోహిత్ రాథోడ్, నితిన్ ఫౌజీలను చండీగఢ్‌లో అరెస్టు చేశారు. వీరితో పాటు ఉద్ధం సింగ్ అనే మరో వ్యక్తిని కూడా అదుపులోకి తీసుకున్నారు. ముగ్గురిని ఢిల్లీకి తరలించారు.
డిసెంబర్ 5న సుఖ్‌దేవ్ సింగ్‌ను నితిన్ ఫౌజీ మరియు రోహిత్ రాథోడ్ అతని నివాసంలో కాల్చి చంపారు, అతను అక్కడికక్కడే మరణించాడు. దరిమిలా నితిన్, రోహిత్‌లతో పాటు వారికి సహకరించిన రాంవీర్ సింగ్ అనే వ్యక్తిని జైపూర్‌లో అరెస్టు చేసినట్లు జైపూర్ పోలీస్ కమిషనర్ అధికారిక ప్రకటనలో తెలిపారు. గోగమేడి హత్యకు సంబంధించిన దృశ్యాలు అతని ఇంట్లోని సీసీ కెమెరాలో రికార్డయ్యాయి. దుండగుల్లో ఒకరైన నవీన్ షెకావత్‌ను అతని సహచరులు కాల్చి చంపారు. ఈ కాల్పుల్లో గోగమేడి అంగరక్షకుడు కూడా తీవ్రంగా గాయపడ్డాడు. లారెన్స్ బిష్ణోయ్ గ్యాంగ్‌కు అనుబంధంగా ఉన్న రోహిత్ గోదారా గ్యాంగ్ సుఖ్‌దేవ్ హత్యకు బాధ్యత వహించింది. దీంతో పోలీసులు రూ.లక్ష రివార్డు ప్రకటించారు. నిందితుడిని పట్టుకునేందుకు ప్రత్యేక బృందాన్ని ఏర్పాటు చేశారు.
నవీకరించబడిన తేదీ – 2023-12-10T14:57:47+05:30 IST
