రిషబ్ పంత్: విశ్వసనీయ వర్గాల సమాచారం ప్రకారం, రిషబ్ పంత్ రాబోయే ఐపిఎల్‌లో ఆడతాడని ఢిల్లీ క్యాపిటల్స్ ధృవీకరించింది. ప్రస్తుతం బెంగళూరులోని నేషనల్ క్రికెట్ అకాడమీలో కోలుకుంటున్నాడని, ఫిట్‌నెస్‌ను తిరిగి పొందేందుకు తీవ్రంగా శ్రమిస్తున్నట్లు డీసీ యాజమాన్యం వెల్లడించింది.
ఐపీఎల్‌లో ఢిల్లీ క్యాపిటల్స్ ఇప్పటి వరకు ఛాంపియన్‌గా నిలవలేకపోయింది. ఫ్రాంచైజీ పేరు మారినా.. జట్టు భవితవ్యం మాత్రం మారదు. వికెట్ కీపర్-కమ్-కెప్టెన్ రిషబ్ పంత్ లేకపోవడం జట్టు అవకాశాలను తీవ్రంగా దెబ్బతీసింది. గతేడాది న్యూ ఇయర్ సందర్భంగా రిషబ్ పంత్ రోడ్డు ప్రమాదంలో గాయపడి క్రికెట్‌కు దూరమయ్యాడు. దీంతో జాతీయ జట్టుతో పాటు ఐపీఎల్‌కు కూడా దూరమయ్యాడు. ప్రస్తుతం గాయం నుంచి కోలుకుంటున్నాడు. అయితే పంత్ వచ్చే సీజన్‌లో ఆడతాడా లేదా అనే సస్పెన్స్ ఇంకా కొనసాగుతోంది. విశ్వసనీయ సమాచారం ప్రకారం రిషబ్ పంత్ రాబోయే ఐపీఎల్‌లో ఆడతాడని ఢిల్లీ క్యాపిటల్స్ ధృవీకరించింది. ప్రస్తుతం బెంగళూరులోని నేషనల్ క్రికెట్ అకాడమీలో కోలుకుంటున్నాడని, ఫిట్‌నెస్‌ను తిరిగి పొందేందుకు తీవ్రంగా శ్రమిస్తున్నట్లు డీసీ యాజమాన్యం వెల్లడించింది.
రిషబ్ పంత్ వచ్చే సీజన్‌కు అందుబాటులోకి వచ్చినా.. అతడిని పూర్తిగా ఆడే అవకాశం లేకపోలేదని కొందరు క్రికెట్ విశ్లేషకులు అభిప్రాయపడుతున్నారు. కొన్ని మ్యాచ్‌లకు కెప్టెన్సీ బాధ్యతలు అప్పగించినా.. వికెట్ కీపర్ బాధ్యతలు మరో ఆటగాడికి అప్పగించనున్నట్టు సమాచారం. రిషబ్ పంత్ కొన్ని మ్యాచ్‌లలో ఇంపాక్ట్ ప్లేయర్‌గా చర్చించబడుతున్నాడు. గత సీజన్‌లో రిషబ్ పంత్ దూరం కావడంతో అతని స్థానంలో డేవిడ్ వార్నర్ కెప్టెన్సీని తీసుకున్నాడు. కానీ అతని కెప్టెన్సీలో ఢిల్లీ క్యాపిటల్స్ ఆశించిన స్థాయిలో రాణించలేకపోయింది. పాయింట్ల పట్టికలో చివరి నుంచి రెండో స్థానంతో సరిపెట్టుకుంది. దీంతో వచ్చే సీజన్‌లోనైనా సత్తా చాటాలని ఢిల్లీ క్యాపిటల్స్ ఉవ్విళ్లూరుతోంది.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – 2023-12-12T16:26:04+05:30 IST
