హనీమూన్ ఎక్స్‌ప్రెస్: ‘హనీమూన్ ఎక్స్‌ప్రెస్’కి గ్రీన్ సిగ్నల్ ఇచ్చిన కింగ్ నాగార్జున

NRI ఎంటర్‌టైన్‌మెంట్స్ USA సమర్పణలో న్యూ రీల్ ఇండియా ఎంటర్‌టైన్‌మెంట్స్ ప్రైవేట్ లిమిటెడ్ బ్యానర్‌పై చైతన్యరావు, హెబ్బా పటేల్ జంటగా నటించిన చిత్రం ‘హనీమూన్ ఎక్స్‌ప్రెస్’. ఈ చిత్రానికి రచన, దర్శకత్వం: బాల రాజశేఖరుని, ఇందులో తనికెళ్ల భరణి, సుహాసిని ప్రధాన పాత్రల్లో నటించారు. ఈ రొమాంటిక్ కామెడీ ఎంటర్‌టైనర్‌కి కళ్యాణి మాలిక్ సంగీతం అందిస్తున్నారు మరియు KKR మరియు బాల రాజ్ సంయుక్తంగా నిర్మిస్తున్నారు. రీసెంట్ గా బిగ్ బాస్ సెట్స్ లో హోస్ట్ కింగ్ నాగార్జున రూంలో.. కింగ్ నాగార్జున చేతుల మీదుగా ‘హనీమూన్ ఎక్స్ ప్రెస్’ ఫస్ట్ లుక్ పోస్టర్ ను రిలీజ్ చేశారు మేకర్స్.

ఫస్ట్ లుక్ విడుదల చేసిన అనంతరం అక్కినేని నాగార్జున మాట్లాడుతూ.. దర్శకుడు బాలా నాకు సుపరిచితుడు. అన్నపూర్ణ ఫిలిం ఇన్‌స్టిట్యూట్‌కి డీన్‌గా వ్యవహరిస్తూ హాలీవుడ్ ఫిల్మ్ మేకింగ్ గురించి మన విద్యార్థులకు అవగాహన కల్పించారు. అంతేకాదు ‘హనీమూన్ ఎక్స్‌ప్రెస్‌’ సినిమాలో మన విద్యార్థులకు, ఉపాధ్యాయులకు కూడా అవకాశం కల్పించారు. సమాజానికి మంచి సందేశాన్ని అందించే ఈ సినిమా కథ వినోదాత్మకంగా ఉంటుంది. కళ్యాణి మాలిక్‌గారి పాటలు చాలా బాగా వచ్చిన సంగతి తెలిసిందే. ఈ సినిమా తప్పకుండా విజయం సాధిస్తుందనే నమ్మకం ఉందని అన్నారు.

దర్శకుడు బాల రాజశేఖరుని మాట్లాడుతూ.. ‘‘లాస్ ఏంజెల్స్‌లో ఉంటూ చాలా హాలీవుడ్ సినిమాలకు పనిచేశాను, అయితే తెలుగు సినిమా చేయాలన్నది నా కల. శ్రీమతి అమల అక్కినేని ప్రోత్సాహంతో ఇండియాకి తిరిగి వచ్చి, అమల, నాగార్జునల ప్రోత్సాహంతో టాలీవుడ్‌లోకి అడుగుపెట్టాను. నా సినిమా ఫస్ట్ పోస్టర్‌ని విడుదల చేసి నన్ను ప్రోత్సహించిన కింగ్ నాగార్జునకు నా ధన్యవాదాలు. ఇక సినిమా విషయానికి వస్తే.. ఇదొక రొమాంటిక్ కామెడీ ఎంటర్‌టైనర్. చైతన్యరావు, హెబ్బా పటేల్ అద్భుతంగా నటించారు. తనికెళ్ల భరణి, సుహాసినిగారి పాత్రలు మా సినిమాకు హైలైట్‌గా నిలుస్తాయి. యూత్‌, లవర్స్‌కి మా సినిమా అద్భుతంగా నచ్చుతుంది. త్వరలో విడుదల వివరాలతో మీ ముందుకు వస్తాం అని తెలిపారు.

ఇది కూడా చదవండి:

====================

****************************************

*************************************

****************************************

నవీకరించబడిన తేదీ – 2023-12-16T15:11:31+05:30 IST