సుమయ: ‘డియర్ ఉమ’తో మల్టీ టాలెంట్ చూపించబోతున్న అనంతపురం అమ్మాయ్.

తెలుగు అమ్మాయిలు సినిమా రంగంలోకి రావడం ఇష్టం లేదని, వచ్చినా సరైన అవకాశాలు రావడం లేదని ఇండస్ట్రీలో గుసగుసలు ఎప్పట్నుంచో వినిపిస్తున్నాయి. అయితే తాజాగా తెలుగు అమ్మాయిలు టాలీవుడ్‌లో దూసుకుపోతున్నారు. అలాంటి సమయంలో అనంతపురంకు చెందిన సుమయా రెడ్డి అనే తెలుగు అమ్మాయి మోడల్‌గా కెరీర్ ప్రారంభించింది..సినిమా ఇండస్ట్రీలో మంచి అవకాశాల కోసం ఎదురుచూస్తూ….సొంతంగా ప్రొడక్షన్ హౌస్ ప్రారంభించింది. సుమయ తన మొదటి సినిమా ‘డియర్ ఉమ’తో ప్రేక్షకుల ముందుకు రాబోతోంది. ఈ సినిమా కోసం డిఫరెంట్ క్రాఫ్ట్స్ హ్యాండిల్ చేస్తూ.. తనలోని మల్టీ టాలెంట్ ను పరిచయం చేయనుంది.

పృథ్వీ అంబర్ నటిస్తున్న ‘డియర్ ఉమ’ చిత్రంలో సుమయా రెడ్డి కథానాయికగా నటించడమే కాకుండా రచయితగా, నిర్మాతగా కూడా నటిస్తోంది. సుమ చిత్ర ఆర్ట్స్ పతాకంపై సాయి రాజేష్ మాధవ్ దర్శకత్వంలో తెరకెక్కుతున్న ఈ చిత్రం షూటింగ్ పార్ట్ పూర్తి చేసుకుని ప్రస్తుతం పోస్ట్ ప్రొడక్షన్ దశలో ఉంది. త్వరలో విడుదల కానున్న ఈ సినిమా ప్రమోషన్ కార్యక్రమాలపై మేకర్స్ దృష్టి సారించారు. ఈ సినిమా ప్రమోషన్ కార్యక్రమాలను వినూత్నంగా నిర్వహించాలని మేకర్స్ భావిస్తున్నట్లు తెలుస్తోంది.

ఇక సుమయా రెడ్డి విషయానికి వస్తే.. ఈ సినిమాతో తన నటనా చాతుర్యాన్ని ప్రదర్శించి తెలుగు ప్రేక్షకుల మన్ననలు పొందాలని చూస్తోంది. ఈ సినిమా తర్వాత తనకు క్రేజీ ఆఫర్స్ వస్తాయని, నిర్మాతగా మంచి కంటెంట్ ఉన్న సినిమాలను నిర్మిస్తానని చెప్పింది. ఈ భామ చూస్తుంటే తన అందం, అభినయంతో టాలీవుడ్ లో స్టెప్పులేయబోతున్నట్లు కనిపిస్తోంది. మరి ఆమె కెరీర్ ఎలా ఉండబోతుందో చూడాలి..

ఇది కూడా చదవండి:

====================

*సాలార్: అభిమానులకు 100 టికెట్లు ఇచ్చే యంగ్ హీరో.. క్రేజ్ అంతే!

*************************************

*మంచు మనోజ్: శోభా నాగిరెడ్డి జయంతి.. శుభవార్త అందించిన మంచు మనోజ్

**********************************************

*భాగ్యశ్రీ బోర్స్: షాక్ ఇచ్చిన హరీష్ శంకర్.. మాస్ రాజా సరసన క్లాస్ రాణి

****************************************

నవీకరించబడిన తేదీ – 2023-12-17T16:22:22+05:30 IST