బ్యాంకు ఖాతాదారులకు భారీ హెచ్చరిక. ఈ జనవరి నెలలో బ్యాంకుకు వెళ్లాలనుకునే వారు ఈ వార్తను కచ్చితంగా గమనించగలరు. ఈ నెలలో ఒకటి కాదు రెండు కాదు ఏకంగా 16 రోజులు బ్యాంకులకు సెలవులు ఉన్నాయి. స్థానిక పండుగలు, జాతీయ సెలవులు, ఆదివారాలు మరియు శనివారాలు సహా 16 రోజులు బ్యాంకులు మూసివేయబడతాయి. కావున బ్యాంకుకు వెళ్లాలనుకునే వారు ఈ విషయాన్ని గమనించి బ్యాంకు పనిదినాల్లో వెళ్లాలి. బ్యాంకులు పని చేయకపోయినా ఆన్‌లైన్ సేవలు 24 గంటలు అందుబాటులో ఉంటాయి. మొబైల్ బ్యాంకింగ్, నెట్ బ్యాంకింగ్, డిజిటల్ లావాదేవీలు మరియు UPI ఆధారిత సేవలు యథావిధిగా అందుబాటులో ఉంటాయి. వారు తమ మొబైల్ ఫోన్ల ద్వారా ఎక్కడి నుండైనా ఈ సేవలను పొందవచ్చు. అయితే ఈ నెల 16 బ్యాంకులకు సెలవులు ఏంటో ఒకసారి చూద్దాం.
జనవరి 1, సోమవారం- కొత్త సంవత్సర వేడుకల సందర్భంగా జనవరి 1న దేశంలోని దాదాపు అన్ని రాష్ట్రాల్లో బ్యాంకులకు సెలవు ప్రకటించారు.
జనవరి 2, మంగళవారం- నూతన సంవత్సర వేడుకల కొనసాగింపుగా మిజోరంలో జనవరి 2న బ్యాంకులకు సెలవు ప్రకటించారు.
గురువారం, జనవరి 11- మిషనరీ దినోత్సవం సందర్భంగా మిజోరంలో బ్యాంకులకు సెలవు.
జనవరి 15, సోమవారం- అనేక రాష్ట్రాలు ఈ రోజున స్థానిక పండుగలను కలిగి ఉంటాయి. ఆ రోజు బ్యాంకులు పనిచేయవు. కర్ణాటక, ఒరిస్సా, తమిళనాడు, తెలంగాణ, ఆంధ్రప్రదేశ్, సిక్కిం మరియు అస్సాంతో సహా అనేక రాష్ట్రాల్లో, ఉత్తరాయణ పుణ్యకాల, మకర సంక్రాంతి, మాఘే సంక్రాంతి, పొంగల్, మాఘ బిహు వంటి వివిధ పండుగల సందర్భంగా జనవరి 15 బ్యాంకులకు సెలవు.
జనవరి 16, మంగళవారం- తిరువల్లువర్ దినోత్సవాన్ని పురస్కరించుకుని జనవరి 16న తమిళనాడులో బ్యాంకులు మూతపడనున్నాయి. అలాగే తెలుగు రాష్ట్రాలతోపాటు పలు రాష్ట్రాల్లో స్థానిక పండుగల కారణంగా బ్యాంకులు మూతపడ్డాయి.
బుధవారం, జనవరి 17- ఉజావర్ తిరునాల్ మరియు శ్రీగురు గోవింద్ సింగ్ జీ జన్మదినాన్ని పురస్కరించుకుని చండీగఢ్ మరియు తమిళనాడులో 17వ తేదీన బ్యాంకులు మూసివేయబడతాయి.
జనవరి 22, సోమవారం- ఇమోయిను ఇరట్పా గౌరవార్థం మణిపూర్‌లో జనవరి 22న బ్యాంకులకు సెలవు.
జనవరి 23, మంగళవారం- స్థానిక వేడుకల కారణంగా మణిపూర్‌లో జనవరి 23 బ్యాంకులకు సెలవు.
గురువారం, జనవరి 25- ఎండీ హజ్రత్ అలీ పుట్టినరోజును పురస్కరించుకుని తమిళనాడు, మహారాష్ట్ర, ఉత్తరప్రదేశ్ రాష్ట్రాల్లో 25న బ్యాంకులు మూతపడనున్నాయి.
జనవరి 26- త్రిపుర, ఉత్తరాఖండ్ మరియు పశ్చిమ బెంగాల్ మినహా, రిపబ్లిక్ డే రోజున బ్యాంకులు మూసివేయబడతాయి.
వీటితో పాటు ఆదివారాలు, రెండో శనివారం, నాలుగో శనివారం బ్యాంకులకు సెలవులు ఇస్తున్న సంగతి తెలిసిందే. ఈ నెలలో 16 రోజుల పాటు బ్యాంకులు పనిచేయవు.
